ەكپە سالدىرۋ ءۇشىن جۇكتىلىكتىڭ ىڭعايلى كەزەڭى انىقتالدى
ماماننىڭ ايتۋىنشا، رەسەيدە قازىرگى ۋاقىتتا «سپۋتنيك V» ۆاكسيناسىن جۇكتىلىك كەزىندە قولدانۋعا رۇقسات بەرىلگەن. «ەكپەنى 22 اپتادان كەيىن سالدىرسا بولادى»، - دەدى دولگۋشينا.
ونىڭ ايتۋىنشا، COVID-19 جۇكتى ايەلدەر ءۇشىن قاۋىپتى اۋرۋ، بۇل اكۋشەرلىك اسقىنۋلار مەن انا ءولىمىنىڭ جوعارىلاۋىنا اكەلەدى. جۇكتىلىك كەزىندە كوروناۆيرۋس سەمىزدىك، جۇرەك- تامىر اۋرۋلارى، وكپەنىڭ سوزىلمالى اۋرۋلارى، قانت ديابەتى، قاتەرلى ىسىك، باۋىر مەن بۇيرەكتىڭ سوزىلمالى اۋرۋلارى بار ايەلدەردە اسا ءقاۋىپتى.
كوروناۆيرۋستىڭ اۋىر ءتۇرى مەن ءولىمىنىڭ الدىن الۋ ءۇشىن ۆاكسينا سالدىرۋ قاجەت، دەدى مامان.
ونىڭ ايتۋىنشا، جۇكتىلىكتى جوسپارلاۋ كەزەڭىندە الدىن الا ۆاكسينا العان دۇرىس، الايدا ول كەزدە الماسا، جۇكتىلىك كەزىندە سالدىرا الادى.
ەسكە سالايىق، بۇعان دەيىن پروفيلاكتيكالىق مەديتسينا اكادەمياسىنىڭ پرەزيدەنتى الماز شارمان كوروناۆيرۋسپەن اۋىراتىن ادامداردىڭ نەگە اۋرۋدى قايتا جۇقتىراتىنىن ايتقان بولاتىن.
