جۋرناليستى اكىمدىكتەن كۇشتەپ شىعارعان: قىزمەتتىك تەكسەرۋ جۇرگىزىلەدى
«ءبىز كۇزەتشىنىڭ ارەكەتىن قۇپتامايمىز. بۇل كەزدە مەن اكىمدىكتە بولمادىم. مەن جۇمىس بارىسىمەن اۋداندى ارالۋعا شىعىپ كەتكەم. ال كۇزەتشىگە كەلەتىن بولساق، ول الاتاۋ اكىمدىگىنىڭ قىزمەتكەرى ەمەس. ول جەكە كومپانيانىڭ قىزمەتكەرى. بىزدە ناۋرىز ايىنان بەرى جۇمىس ىستەيدى. تەرگەۋ جۇمىستارى اياقتالعانشا، ول جۇمىستان شەتتەتىلدى. مەن جانە مەنىڭ ورىنباسارلارىم وعان جۋرناليستى اكىمدىك عيماراتىنا كىرگىزبە دەگەن نۇسقاۋ بەرمەدىك. بۇل فاكتى بويىنشا كوميسسيا قۇرىلدى، قىزمەتتىك تەرگەۋ جۇرگىزىلەدى»، - دەپ ءتۇسىندىردى ازامات قالدىبەكوۆ.
ەسكە سالايىق، الماتىنىڭ الاتاۋ اۋدانى اكىمدىگىنىڭ كۇزەتشىسى «حابار 24» تەلەارناسىنىڭ جۋرناليسىن كوتەرىپ، اكىمدىك عيماراتىنان شىعارىپ جىبەردى. بۇل وقيعاعا بايلانىستى ق ر اقپارات جانە قوعامدىق دامۋ ءمينيسترى ايدا بالايەۆا دا ءوز ويىن ءبىلدىردى. ءمينيستردىڭ مالىمدەۋىنشە، جۋرناليستەردىڭ قۇقىعىن بۇزۋعا، ولاردىڭ رەسمي جۇمىسىنا كەدەرگى كەلتىرىپ، كۇش كورسەتۋگە ەشقاشان جول بەرىلمەۋى كەرەك.
