ۆاشينگتون كابۋلدان ءوز ازاماتتارىن ەۆاكۋاتسيالاۋدى تەزدەتتى

جۇما كۇنى اق ۇيدە وتكەن بريفينگ كەزىندە ا ق ش پرەزيدەنتى دجو بايدەن «تاليبان» قوزعالىسى ءوز باقىلاۋىنا العان اۋعانستاننان امەريكاندىق جانە اۋعان ازاماتتارىن شىعارۋعا ۋادە بەردى. بۇدان باسقا، ول ساقتالىپ وتىرعان قاۋىپ- قاتەر، سونىڭ ىشىندە حوراسان پروۆينتسياسىندا «ي م» تەرروريستىك توبى تاراپىنان شابۋىل قاۋپى بار ەكەنىن ەسكەرتتى.

بايدەننىڭ ايتۋىنشا، سوڭعى اپتادا ا ق ش كابۋل اۋەجايىنان 28 مىڭعا جۋىق ادامدى ەۆاكۋاتسيالادى. وعان قاراماستان، ەۆاكۋاتسيانىڭ 31 - تامىزعا بەلگىلەنگەن سوڭعى مەرزىمىن ۇزارتۋ تالاپ ەتىلۋدە. بۇدان باسقا، امەريكاندىق اسكەريلەردىڭ كابۋل اۋەجايىندا قاۋىپسىز ايماق پەريمەترىن كەڭەيتكەنى اتاپ وتىلۋدە.

ا ق ش پرەزيدەنتى ا ق ش مەملەكەتتىك دەپارتامەنتىنە اۋعانستاندا قالىپ قويعان امەريكاندىقتارمەن تەلەفون، ەلەكتروندىق پوشتا جانە باسقا جولدار ارقىلى بايلانىسقا شىعۋىن تاپسىرعانىن جانە ۆاشينگتوننىڭ ولاردى اۋەجايعا وتكىزۋ جوسپارى بار ەكەنىن اتاپ ءوتتى. وسى ارادا، جەكسەنبىدە ا ق ش قورعانىس مينيسترلىگى اۋعانستانعا كومەك كورسەتۋ ءۇشىن قوردا تۇرعان ازاماتتىق اۋە فلوتىن جۇمىلدىرىلعانى تۋرالى مالىمدەدى.

بۇل باعدارلاماعا سايكەس، ءتۇرلى امەريكاندىق اۋە جەلىلەرىنىڭ 18 كوممەرتسيالىق ۇشاعى ەۆاكۋاتسيالانعانداردى اۋعانستان سىرتىنداعى ءۇشىنشى ەلدەردەگى قاۋىپسىز جەرگە تاسىمالداۋ ءۇشىن پايدالانىلادى. بۇل باعدارلاما سوڭعى رەت 2003 -جىلى ا ق ش- تىڭ يراك ەلىنە باسىپ كىرگەن ۋاقىتىندا جانە پارسى شىعاناعىندا 1990-1991 -جىلدارى بولعان سوعىس كەزىندە قولدانىلعان.

اۆتور: زارينا تۋعانبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى