ەجەلگى ادامدار ءتىسىن قالاي جۋعان؟

تاڭەرتەڭ تۇرا سالىپ، ءتىس جۋامىز. جاتاردا جۋاتىندار تاعى بار.

ءتىس شەتكاسى العاش 1700 جىلدارى جاسالعان. ۋيليامس ادديس ەسىمدى اعىلشىن ازاماتى تۇرمەدە وتىرىپ، جانۋاردىڭ سۇيەگى مەن قىلىنان ءتىس شەتكا جاساپ، كەيىن ونى ۇلكەن وندىرىستىك تاۋارعا اينالدىرادى. ونى ساتىپ الۋشىلار دا كوپ بولعان كورىنەدى. كەيىن ⅩⅩ عاسىردىڭ 40-جىلدارى قىلدىڭ ورنىنا نەيلون سالىنىپ، قازىرگى ءتىس شەتكانىڭ ۇلگىسى پايدا بولدى.

سوعان قاراعاندا ادامزات ءتىستى جۋىپ- تازالاۋدىڭ اسا ماڭىزدى ەكەنىن بۇرىندا تۇسىنگەن سىڭايلى. بۇعان ارحەولوگيالىق قازبا جۇمىستارى دالەل.

گيپپوكراتتىڭ ءوزى ءتىستى قالاي جۋىپ، قالاي تازا ۇستاعان دۇرىس دەگەن ساۋالعا جاۋاپ بەرىپ، نۇسقاۋلىق جازىپ كەتكەن ەكەن. مەديتسينانىڭ اتاسى ءتىستى ارنايى ۇنتاقپەن جۋۋ قاجەتىن ايتقان. سوعان قاراعاندا ءتىس پوروشوگى سول زاماندا- اق بولعانعا ۇقسايدى.

ال قىتاي مەن مىسىر جازبالارىندا «ءتىستى امان ساقتاعىڭىز كەلسە، جۋىپ- تازالاڭىز، تىسجەگىنى قۇرتىڭىز» دەگەن سىڭايدا كەڭەستەر جازىلعان. بۇل مادەنيەتتىڭ ەجەلگى وكىلدەرى تالدىڭ تامىرىن شايناپ، بالىقتىڭ سۇيەگىمەن، كىرپىشكەنىڭ ينەسىمەن ءتىس شۇقىعان ەكەن.

ال قازىرگى اراب تۇبەگى مەن ءۇندىستان، سولتۇستىك افريكا حالىقتارى ءتىستى اعاشتىڭ تامىرىمەن تازالاعان. ونى ميسۋاك دەپ اتايدى. بۇل حالىقتار ءالى كۇنگە دەيىن ءتىستى ميسۋاكپەن جۋادى.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى