قازاقستاندا جارتى ميلليون شارشى شاقىرىم اۋماقتا كەن بارلاۋ جۇمىستارى جۇرگىزىلمەك

«ۇلتتىق جوبا اياسىندا 500 مىڭ شارشى شاقىرىمنان استام اۋماقتا ءتيىستى جۇمىستار جۇرگىزىلەتىن بولادى. سونىڭ ارقاسىندا ءبىز گەولوگيالىق بارلاۋ جۇمىستارىنىڭ ودان ارعى ساتىلارىن قويۋ ءۇشىن شامامەن 295 پەرسپەكتيۆالى جوبانى انىقتاۋدى جوسپارلاپ وتىرمىز. سونداي- اق، ۇلتتىق گەولوگيالىق قىزمەتتى قۇرۋ ماڭىزدى بولىپ وتىر. ونىڭ اياسىندا ءبىز بەسجىلدىق ينۆەستيتسيالىق جوبالار پۋلىن ۇسىنۋدى جوسپارلاپ وتىرمىز. مەنىڭ ويىمشا، 20-دان استام وسىنداي جوبانى قولعا الۋعا بولادى. كەن بارلاۋ ىسىنە ينۆەستيتسيا وسى جوبالار ارقىلى تارتامىز»، - دەدى سەرىكقالي برەكەشيەۆ و ك ق بريفينگىندە.

ۆيتسە- ءمينيستردىڭ سوزىنە قاراعاندا، اتالمىش جوبانى ىسكە اسىرۋ ءۇشىن الداعى بەس جىلدا شامامەن 165 ميلليارد تەڭگە بيۋدجەت قارجىسى كەرەك بولادى. سونىڭ ەسەبىنەن 950 ميلليارد تەڭگە ينۆەستيتسيا تارتۋعا بولادى. «ياعني، ءاربىر بيۋدجەت تەڭگەسىنە شامامەن 4-5 تەڭگە جەكە ينۆەستيتسيا تارتامىز»، - دەدى سەرىكقالي برەكەشيەۆ.

اتالمىش شارادا ۆيتسە- مينيستر تورعاي، ەرتىس، ارال اۋماعىندا مۇناي قورىن بارلاۋ جۇمىستارى جۇرگىزىلەتىنىن ايتتى.

«بۇگىنگى كۇنى ەلدە وندىرىلەتىن مۇناي مەن گازدىڭ بارلىق كولەمى 5 باسسەيندە يگەرىلەدى. ولاردىڭ ىشىندە كاسپي ماڭىنىڭ ۇلەسى وراسان. بارلىق رەرسۋرستىق بازانىڭ شامامەن % 80- ى كاسپي ماڭىنا تيەسىلى. سولتۇستىك تورعاي، ەرتىس ءوڭىرى، ارال، سىرداريا، شۋ- سارىسۋ باسسەيندەرىنىڭ دە الەۋەتى زور دەپ ەسەپتەلەدى. ءبىراق بۇل باسسەيندەر از زەرتتەلگەن. ولاردىڭ ناقتى الەۋەتىن زەردەلەۋ ءۇشىن ينۆەستورلاردى تارتىپ، مەملەكەتتىك قولداۋ كورسەتۋ قاجەت»، - دەدى سەرىكقالي برەكەشيەۆ.

اۆتور: ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى