قازاقستاندا قانشا مۇناي كەنىشى بار

«ەلىمىزدىڭ پايدالى قازبالاردىڭ مەملەكەتتىك بالانسىندا جالپى 8 مىڭنان اسا كەن ورىندارى تىركەلگەن. ونىڭ ىشىندە كومىرسۋتەك - 317 (مۇناي، گاز، كوندەنسات)، قاتتى پايدالى قازبالار - 910، كەڭ تارالعان پايدالى قازبالار - 3,0 مىڭنان استام جانە 4 مىڭعا جۋىق جەراستى سۋلارىنىڭ كەن ورىندارى بار»، - دەدى ول ورتالىق كوممۋنيكاتسيالار قىزمەتىندە وتكەن بريفينگىدە.

ونىڭ ايتۋىنشا، ەلدەگى 317 مۇناي كەن ورنىنداعى شيكىزاتتىڭ بالانستىق قورى 4,4 ميلليارد تونناعا جەتەدى.

«قازاقستانداعى مۇنايدىڭ بالانستىق قورىА+В+С1+С2 كاتەگوريالارى بويىنشا 4,4 ميلليارد توننانى، گاز - 3,8 تريلليون تەكشە مەتردى، كوندەنسات - 414 ميلليون توننانى قۇرايدى. ولاردىڭ باسىم بولىگى اتىراۋ (75%) جانە ماڭعىستاۋ (11%) وبلىستارىندا شوعىرلانعان. بۇل رەتتە، كومىرسۋتەك شيكىزاتىنىڭ % 68 قورى 3 ءىرى كەن ورىندارىنىڭ، اتاپ ايتقاندا تەڭىز، قاشاعان جانە قاراشىعاناقتىڭ ۇلەسىنە كەلەدى»، - دەدى ۆيتسە- مينيستر.

سەرىكقالي برەكەشيەۆتىڭ سوزىنە قاراعاندا، ەلدەگى كەن قورىنىڭ ورتايعانىن قاشاعان عانا بىلدىرمەي تۇر.

«ءبىر قاراعاندا ءوسىم جامان ەمەس سياقتى. ءبىراق بۇعان نەگىزىنەن قاشاعان كەن ورنى ەسەبىنەن سولاي بولىپ وتىر. قاشاعان بولماسا، كەن قورىنىڭ تولىعۋ كوەففيتسيەنتى 0,9 بەلگىسىندە بولار ەدى. بۇل پروبلەمانى شەشۋ ءۇشىن جاڭا پەرسپەكتيۆالى ۋچاسكەلەردى جەدەل انىقتاپ، ەسكى كەن ورىندارىن جەتە بارلاۋ قاجەت. گەولوگيالىق بارلاۋعا جەكە ينۆەستورلاردى تارتۋ كەرەك. ويتكەنى جاڭا كەن ورنىن اشقاننان كەيىن ونى ىسكە قوسۋ ءۇشىن كەمىندە 10-15 جىل كەرەك»، - دەپ قورىتىندىلادى ۆيتسە- مينيستر.

اۆتور: ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى