جابىق شەكارادان «دەلتا» شتامى ءوتىپ كەتتى

مۇندا سوڭعى جارتى جىلدا العاش رەت دەرت جۇقتىرۋ دەرەگى راستالدى. بيلىك ناۋقاستى وقشاۋلاپ، ۆيرۋستىڭ ودان ءارى تارالۋىن بولدىرماۋ ءۇشىن 3 كۇنگە جالپى ۇلتتىق كارانتين جاريالادى. ءسويتىپ بارلىق كاسىپورىندار مەن مەكەمەلەر جۇمىسىن توقتاتتى. سوعان قاراماستان بۇگىن ۆيرۋس جۇقتىرعاندار سانى جەتەۋگە جەتتى.

ايتا كەتكەن ءجون، جاڭا زەلانديا - كوروناۆيرۋسپەن ءتيىمدى كۇرەس جۇرگىزىپ جاتقان ەلدەردىڭ ءبىرى. 5 ميلليونعا جۋىق تۇرعىنى بار ەلدە ىندەتتەن 30-عا جۋىق ادام كوز جۇمعان. ۆيرۋس جۇقتىرۋدىڭ سوڭعى دەرەگى بيىل اقپاندا تىركەلگەن ەدى. ال بيلىك شەكاراسىن كەلەسى جىلعا دەيىن جاۋىپ تاستاعان.

دجاسيندا اردەرن، جاڭا زەلانديا پرەمەر- ءمينيسترى:

- ەرتەڭنەن باستاپ كەز كەلگەن قوعامدىق ورىندا بەتپەردەسىز جۇرۋگە تىيىم سالىنادى. جاسى 12-دەن اسقان ازاماتتاردىڭ بارلىعى ماسكا تاعىپ جۇرۋگە مىندەتتى. قورعانىش قۇرالىن كليەنتتەر عانا ەمەس، مەكەمە قىزمەتكەرلەرى دە شەشپەۋى كەرەك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى