د د س ۇ دەلتا شتامىنىڭ مەدقىزمەتكەرلەردى «جەتكىزبەي» جاتقانىن ءمالىم ەتتى
بۇل تۋرالى سارسەنبى كۇنى جەنەۆاداعى بريفينگىدە دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى تەدروس ادانوم گەبرەيەسۋس ءمالىم ەتتى، دەپ حابارلايدى قازاقپارات ت ا س س-قا سىلتەمە جاساپ.
«دەلتا» ءبىزدىڭ ۇجىمدىق يممۋنيتەت قالىپتاسۋ دەڭگەيىن وزىپ بارا جاتىر. ءاربىر ەلدەگى ۆاكسينالاۋ دەڭگەيى تومەن جانە قوعامدىق دەنساۋلىق ساقتاۋ سالاسىندا جەتكىلىكتى شارا قولدانىپ وتىرماعان وڭىردەردە اۋرۋحاناعا جاتقاندار سانى مەن قايتىس بولعاندار دەڭگەيى جوعارى»، - دەدى ول.
د د س ۇ باسشىسىنىڭ مالىمەتىنشە، «دەلتا» جانە باسقا دا شتامداردىڭ ماسەلەسىن شەشۋگە بولادى. ول ءۇشىن كوروناۆيرۋسقا تەستىلەۋ اۋقىمىن ارتتىرۋ كەرەك، اۋرۋحانالاردى وتتەگىمەن، ءدارى- دارمەكپەن، ۆاكسينامەن جانە مەدقىزمەتكەرلەردى جەكە قورعانىس قۇرالدارىمەن قامتاماسىز ەتۋ قاجەت. سونداي-اق، پاندەمياعا قارسى كۇرەستە جاڭا ءادىس تاباتىن زەرتتەۋ اياسىن كەڭەيتۋ كەرەك. باس ديرەكتوردىڭ ايتۋىنشا، قازىرگى ۋاقىتتا «ۆاكسينانىڭ %75 ى تەك 10 ەلدە قولدانىلعان».
ال، تابىس دەڭگەيى تومەن ەلدەردە حالىقتىڭ تەك %2 ى عانا ۆاكسينا ەكتىرگەن. وسىعان بايلانىستى د د س ۇ الەمدىك قاۋىمداستىقتى قىركۇيەك ايىنىڭ سوڭىنا دەيىن ارالىق (بۋستەر) ۆاكسينالاۋعا موراتوري بەلگىلەۋگە شاقىردى. بۇل ارالىق ۆاكسينا جاساعانعا دەيىن دەنساۋلىعى وسال ادامداردى قورعاۋعا مۇمكىندىك بەرەدى، اياسى تار ۇلتتىق ماقساتقا ۇمتىلا بەرگەنشە، ءبىر-بىرىنە تاۋەلدى الەمدەگى كوروناۆيرۋس مۋتاتسيا توقتاماي تۇرعان كەزدە يممۋنداۋعا تەڭ قولجەتىمدىلىكتى قامتاماسىز ەتۋگە تىرىسۋ كەرەك، دەپ ءتۇسىندىردى گەبرەيەسۋس.
