اسقار مامين وڭىرلەردەگى جەم- ءشوپ جەتكىزۋ جاعدايىن ەرەكشە باقىلاۋدا ۇستاۋدى تاپسىردى
«بيىلعى جاز ەرەكشە قۇرعاق بولدى، سونىڭ سالدارىنان ەلىمىزدىڭ باتىسى مەن وڭتۇستىگىندە ءبىرقاتار وڭىرلەر زارداپ شەكتى. قۇرعاقشىلىقتىڭ سالدارىن جويۋ ءۇشىن جەدەل شارالار قابىلداندى. زارداپ شەككەن وڭىرلەردى جەم- شوپپەن قامتاماسىز ەتۋ ماسەلەلەرىن شەشۋ ءۇشىن جەرگىلىكتى جانە ورتالىق اتقارۋشى ورگانداردىڭ قىزمەتىن ۇيلەستىرۋ جونىندەگى رەسپۋبليكالىق جەدەل شتاب جۇمىس ىستەۋدە. جەم- ءشوپ ساتىپ الۋ ءۇشىن ۇكىمەت رەزەرۆىنەن ماڭعىستاۋ جانە قىزىلوردا وبلىستارىنا 3,6 ميلليارد تەڭگە ءبولىندى، جەم- ءشوپ دايىنداۋعا قوسىمشا 43,1 مىڭ توننا ارزان ديزەل وتىنى ءبولىندى. سولتۇستىك وڭىرلەردەن جەم- ءشوپ جەتكىزىلدى. باتىس وڭىرلەردى جەم- شوپپەن قامتاماسىز ەتۋ ماسەلەسىنە ۆولونتەرلەر دە كىرىستى»، - دەدى ا. مامين ۇكىمەت وتىرىسىندا.
ونىڭ ايتۋنىشا، رەسپۋبليكادان كەسەك جەم- ءشوپتى شىعارۋعا جانە جەمدىك استىق ەكسپورتىنا كۆوتا بەرۋگە ۋاقىتشا تىيىم سالىندى. قابىلدانعان شارالاردىڭ ارقاسىندا جەم- شوپپەن قامتاماسىز ەتۋ ماسەلەسى جالپى تۇراقتاندى.
«اۋىل شارۋاشىلىعى مينيسترلىگى مەن اكىمدىكتەر وسى باعىتتاعى جۇمىستى جالعاستىرىپ، جاعدايدى ەرەكشە باقىلاۋدا ۇستاۋى قاجەت»، - دەدى ۇكىمەت باسشىسى.
