بايدەن اۋعانستاننان اسكەردى الىپ كەتۋ تۋرالى شەشىمىن ءتۇسىندىردى

ال ونداعى امەريكالىق كونتينگەنت العا قويعان مىندەتتى ورىندادى. اق ءۇي باسشىسى حالىققا جولداۋىندا اۋعان ەلىنەن امەريكالىق ساربازداردى شىعارۋ تۋرالى نەگە شەشىم قابىلداعانىن وسىلاي دەپ ءتۇسىندىردى. ال تالىپتەردىڭ ءىرى قالالاردى باسىپ الىپ، تەز جەڭىسكە جەتۋىن اۋعانستان ساياسي باسشىلىعى باس ساۋعالاپ قاشىپ، اۋعان اسكەرىنىڭ سوعىسقىسى كەلمەي بىتىراپ كەتۋىنەن دەدى. سوندىقتان اۋعانداردىڭ وزدەرىن وزدەرى قورعاۋعا تالپىنىس جاساماعان جەردە امەريكا اسكەريلەرىنەن قاقتىعىسقا ارالاسۋدى سۇراۋ ابەستىك دەپ ايتتى.

دجو بايدەن، ا ق ش پرەزيدەنتى:

- ءبىزدىڭ اۋعانستانداعى ميسسيامىز ونداعى ءومىر ءسۇر قالپىن وزگەرتىپ، جاڭا ۇلت قۇرۋ بولعان ەمەس. جانە دە ول جەردە دەموكراتيا قۇرۋدى كوزدەگەن جوقپىز. ءبىزدىڭ جالعىز ماقساتىمىز ول اۋعانستاننان امەريكاعا قارسى لاڭكەستىك شابۋىلداردى بولدىرماۋ بولعان.

ەسكە سالا كەتەيىك، بيىل ا ق ش پەن ناتو اۋعانستاننان اسكەرىن شىعارا باستاعاننان بەرى جاعداي ۋشىعىپ، تالىپتەر ءىرى قالالارعا شابۋىلىن كۇشەيتتى. سالدارىنان وتكەن جەكسەنبى كۇنى قارۋلى توپتار كابۋلداعى پرەزيدەنت سارايىن باسىپ كىرگەنىن مالىمدەدى. پرەزيدەنت اشراف گاني قاشىپ، ونىڭ قاي جەردە ەكەنى ءالى بەلگىسىز. ال دۇيسەنبى كۇنى «تاليبان» قوزعالىسىنىڭ رەسمي وكىلى ەلدە 20 جىلعا سوزىلعان سوعىس اياقتالىپ، جۋىق ارادا جاڭا باسقارۋ فورماسى جاريالاناتىنىن مالىمدەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى