اۋعانستان اسكەري ۇشاعى وزبەكستان اۋماعىندا اپاتقا ۇشىرادى
بۇعان دەيىن الەۋمەتتىك جەلىلەردە وزبەكستان اۋماعىندا اۋعانستان ا ا ك اۋە كەمەسىنىڭ اپاتقا ۇشىراعان ۆيدەوسى مەن سۋرەتتەرى تاراعان ەدى. ءو ر قورعانىس مينيسترلىگىنىڭ باسپا ءسوز قىزمەتى اۋعانستان اسكەري- اۋە كۇشتەرىنىڭ ۇشاعى اۋە كەڭىستىگىن زاڭسىز كەسىپ ءوتىپ، وزبەكستان اۋماعىندا اپاتقا ۇشىراعانىن راستادى.
«كەشە كەشكە اۋعانستان ا ا ك اۋە كەمەسى مەملەكەتتىك شەكارانى بۇزىپ، وزبەكستاننىڭ سۋرحانداريا وبلىسى شەراباد اۋدانىندا اپاتقا ۇشىرادى. قازىر تەرگەۋ ءجۇرىپ جاتىر، ونىڭ قورىتىندىسى بويىنشا وقيعانىڭ ءمان- جايى بەلگىلى بولادى»، - دەپ ءتۇسىندىردى قازاقپارات تىلشىسىنە ءو ر قورعانىس مينيسترلىگىنەن.
ەسكە سالايىق، اۋعانستانداعى جاعدايدىڭ ۋشىعۋىنا بايلانىستى 14-تامىزدا 84 اۋعان اسكەري قىزمەتشىسى وزبەكستان شەكاراسىن كەسىپ وتكەن بولاتىن. شەكارا بۇزۋشىلار قارسىلىق تانىتپاعان، جاراقات العان ءۇش ادامعا مەديتسينالىق كومەك كورسەتۋدى سۇراعان.
اۆتورى ماديبەك جانىبەكوۆ
