قۇرىق پورتىنىڭ الەۋەتى قانداي
قوناقتار دەلەگاتسياسىن «پورت قۇرىق» ج ش س باس ديرەكتورى احمەتوۆ سەرىك جەتپىسباي ۇلى قارسى الدى.
پرەسس- تۋر بارىسىندا جۋرناليستەر ءبىرقاتار وندىرىستىك نىسانداردى ارالاپ، پورت ينفراقۇرىلىمىمەن تانىستى. پاروم كەشەنىنىڭ قولدانىستاعى پورت ينفراقۇرىلىمى - 4 پارومعا ءبىر مەزگىلدە قىزمەت كورسەتەتىن تەمىرجول جانە اۆتوموبيل ايلاقتارىنا، كىرۋ ارناسىنا، ديسپەتچەرلىك قىزمەتتىڭ عيماراتتارى مەن تەڭىز ستانسياسىنا جانە كەدەندىك رەسىمدەۋ پۋنكتىنەن تۇرادى.
ب ا ق وكىلدەرى ەڭ الدىمەن پورت اكىمشىلىگىمەن بىرگە تەمىرجول مەن اۆتوموبيل ايلاقتارىن قاراپ شىقتى. پاروم كەشەنىنىڭ اۋماعى فۋنكتسيونالدى تۇردە ينفراقۇرىلىمى بار تەمىرجول پارومدارىنا قىزمەت كورسەتەتىن ايماققا جانە ۆاگون پارومدارىنا قىزمەت كورسەتەتىن ايماققا بولىنەدى.
تەمىرجول ايلىعىنىڭ وتكىزۋ قابىلەتى جىلىنا 4,1 ميلليون پارومدى وڭدەۋدىڭ تولىق سيكلىنىڭ ورتاشا ۋاقىتى ءبىر دەڭگەيلى پاروم ءۇشىن 6-8 ساعاتتى، ال ەكى دەڭگەيلى پاروم ءۇشىن 10-12 ساعاتتى قۇرايدى، بۇل تاۋلىگىنە 5-8 پارومعا دەيىن وڭدەۋگە مۇمكىندىك بەرەدى. پارومدار 54 تەمىرجول ۆاگونىنا دەيىن تاسىمالداي الادى.
كەلەسى نىسان كەدەندىك رەسىمدەۋ عيماراتى بولدى. بۇل عيماراتتا قوناقتارعا «ءبىر تەرەزە» قاعيداتى بويىنشا قولايلى جۇك تاسىمالىن وڭدەۋ تەحنولوگياسى كورسەتىلدى. ءوندىرىس ورىندارىن ارالاعاننان كەيىن قۇرىق پورتىنىڭ باس ديرەكتورى مەن باسشىلىعىنىڭ قاتىسۋىمەن باسپا ءسوز كونفەرەنسياسى ءوتتى، ونىڭ بارىسىندا جۋرناليستەر پارومدىق كەشەندى دامىتۋ جوسپارلارى تۋرالى تولىق اقپارات الدى.
كەزدەسۋ كەزىندە پورت باسشىلىعى «قۇرىق - يران پورتتارى - قۇرىق» باعىتى بويىنشا اۆتوپاروم جەلىلەرىنىڭ اشىلۋى مەن جۇمىس ىستەي باستاعاندىعى تۋرالى حابارلادى. وسى باعىت بريىنشا قۇرىق پورتى رەسەيلىك «ترانسمورفلوت» كومپانياسىمەن بىرلەسكەن ىنتىماقتاستىق تۋرالى كەلىسىم جاساسقان ەدى. كەلىسىم اياسىندا RO- RO ۇلگىسىندەگى «كومپوزيتور راحمانينوۆ» پارومى - اميراباد / انزالي پورتتارى - قۇرىق پورتى باعىتىندا ىسكە قوسىلدى. پارومنىڭ بۇل تۇرىنە 32 اۋىر كولىككە دەيىن (ۇزىندىعى 17 م دەيىن) سىيادى. بۇل باعىت ناتيجەسىندە پاروم 9 رەت قۇرىق پورتىنا كەلىپ، تاسىمال كولەمى 2,9 مىڭ توننادان اسادى.
سونداي- اق، اعىمداعى جىلدىڭ مامىرىندا Ro-Pax ءتيپتى جاڭا «ءازىربايجان» پارومى اليات - قۇرىق باعىتى بويىنشا پورتقا العاش كەلىپ كىرگەن بولاتىن. پارومنىڭ ۇزىندىعى شامامەن 154,5 مەتر، ەنى 17,7 مەتر . بۇل جاڭا Ro-Pax كەمەلەرى وتكىزۋ قابىلەتى جاعىنان كاسپييدە بار پارومدار اراسىنداعى ەڭ ۇلكەنى بولىپ تابىلادى.
پورت باسشىسى سەرىك احمەتوۆ ءوز كەزەگىندە جۋرناليستەردىڭ سۇراقتارىنا جاۋاپ بەرە وتىرىپ، قۇرىق پورتىنىڭ دامۋ ستراتەگياسى اياسىندا جاڭا پاروم جەلىلەرىن اشۋ جانە قولدانىستاعى باعىتتاردى دامىتۋ بويىنشا جۇرگىزىلىپ جاتقان جۇمىستار تۋرالى ايتتى.
«2022-23 -جىلعا قاراي پورتتىڭ قۋاتتىلىعىنا 1,5-2 ميلليون توننا قوسۋدى جوسپارلاپ وتىرمىز. ءبىز بۇل جوبالاردى ينۆەستورلارمەن بىرلەسە وتىرىپ ىسكە اسىرماقپىز. ولاردىڭ تاراپىنان دا بۇل ماسەلەنىڭ الەۋەتىنە ۇلكەن قىزىعۋشىلىق بار»، - دەدى سەرىك جەتپىسباي ۇلى.
قۇرىق پورتى ارقىلى مۇناي ونىمدەرى، حيميالىق ونىمدەر، مەتالل، حالىق تۇتىناتىن تاۋارلار جانە ت. ب. وتەدى. سونىمەن قاتار، ازىق - تۇلىك، ونەركاسىپتىك جابدىقتار، قۇرىلىس ماتەريالدارى جانە باسقا دا تاۋارلارى يمپورتتالادى. سونىمەن قاتار، ءار ءتۇرلى جابدىقتار، ەلەكترونيكا، توقىما، حيميا ونەركاسىبى ونىمدەرى، مەتالل بۇيىمدارى جانە باسقالارى وتەدى. جالپى العاندا، پورتتىڭ تەمىرجول جانە اۆتوموبيل ينفراقۇرىلىمىنىڭ قابىلداۋ مەن جەدەل قىزمەت كورسەتۋگە تولىق مۇمكىندىگى بار.
