الەكسەي سوي مەكتەپتەرگە قويىلاتىن جاڭا سانيتارلىق تالاپتاردى جاريالادى

«2021 -جىلعى 5-تامىزدا ءبىلىم بەرۋ نىساندارىنا قويىلاتىن جاڭا سانيتاريالىق- ەپيدەميولوگيالىق قاعيدا بەكىتىلدى. اتالعان قاعيدا وقىتۋ فورماتتارىنا، تاماقتاندىرۋدى ۇيىمداستىرۋعا، كورپۋستارداعى، اۋديتوريالارداعى، سپورت جانە اكت زالدارىنداعى ءۇي- جايلاردىڭ تولتىرىلۋىنا، زەرتحانالىق، پراكتيكالىق جانە ستۋديالىق ساباقتارعا جانە جاتاقحانالارداعى بولمەلەردىڭ تولتىرىلۋىنا قاتىستى تالاپتاردى قامتيدى. مەكتەپ پەداگوگتارى مەن قىزمەتكەرلەرىن ۆاكسينالاۋ اياقتالۋعا جاقىن. 18 جاستاعى جانە ودان اسقان ستۋدەنتتەردى ۆاكسينالاۋ باستالدى. وڭىرلىك دەپارتامەنتتەر وڭىرلىك كوميسسيالاردىڭ قۇرامىندا مەكتەپدەردىڭ جاڭا وقۋ جىلىنا دايىندىعىنا مونيتورينگ جۇرگىزىپ جاتىر»، - دەدى الەكسەي سوي.

ونىڭ اتاپ وتۋىنشە، قولدانىستاعى زاڭناما مەن ەپيدەميولوگيالىق جاعدايدى ەسكەرە وتىرىپ، مەكتەپتەردە ءداستۇرلى وقىتۋ فورماتىنا كوشۋ، ساۋىققاننان كەيىن ءۇش اي ىشىندە اۋىرىپ جازىلعان، تۇراقتى مەديتسينالىق قارسى كورسەتىلىمدەرى بار ادامداردى قوسپاعاندا، پەداگوگتەر مەن پەرسونالدى 100 پايىز ۆاكسينالاۋ كەزىندە مۇمكىن بولادى.

«Ashyq قوسىمشاسىن مەكتەپتەرگە كىرگەن كەزدە جۇقتىرعان، ۆاكسينالانباعان جانە تاربيەشىلەر، قىزمەتكەرلەر مەن اتا-انالار اراسىنداعى بايلانىستا بولعان ادامداردى باقىلاۋ ءۇشىن قولدانعان ءجون دەپ سانايمىز. سونداي-اق بارلىق قىزمەتكەرلەر مەن ءبىلىم الۋشىلاردىڭ كۇندەلىكتى تاڭەرتەڭگى سۇزگىسىن، بۇقارالىق ءىس-شارالاردى وتكىزۋگە تىيىم سالۋدى، كابينەتتىك وقىتۋ جۇيەسىن جويۋدى، سىنىپتاردى ءبولۋدى جانە ءارتۇرلى سىنىپتار ءۇشىن ۇزىلىستەردى ءبولۋدى، اسحانالاردا تاماقتانۋدى ۇيىمداستىرۋدا باقىلاۋدى كۇشەيتۋدى قامتيتىن سانيتاريالىق- ەپيدەمياعا قارسى ءىس- شارالاردىڭ قاتاڭ ساقتالۋىن قامتاماسىز ەتۋ قاجەت»، - دەدى ول.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى