اسقار مامين جاڭا وقۋ جىلىنىڭ ءداستۇرلى فورماتتا باستالۋىنا بايلانىستى تاپسىرمالار بەردى
«جاڭا وقۋ جىلىندا مەكتەپكە دەيىنگى جانە ورتا ءبىلىم بەرۋ ۇيىمدارىندا، سونىمەن قاتار كوللەدجدەر مەن جوعارى وقۋ ورىندارىندا وقۋ شتاتتىق رەجيمدە قامتاماسىز ەتىلسىن. ءبىلىم مينيسترلىگى اكىمدىكتەرمەن بىرلەسىپ، ءاربىر مەكتەپكە ءداستۇرلى فورماتتا وقۋ بويىنشا ناقتى ۇسىنىمداردى جەتكىزسىن. وسى جىلعى 25-تامىزعا دەيىن مەديتسينالىق قارسى كورسەتىلىمدەرى بار ادامداردان باسقا، پەداگوگتار مەن تەحپەرسونالدى ۆاكسينالاۋمەن 100 پايىز قامتاماسىز ەتسىن»، - دەدى اسقار مامين ۇكىمەت وتىرىسىندا.
سونىمەن قاتار ۇكىمەت باسشىسى مەكتەپتەردى سانيتاريالىق تالاپتارعا سايكەس قابىلداۋدى وسى جىلعى 20 تامىزعا دەيىن اياقتاۋ قاجەتتىگىن ەسكەرتتى.
«بارلىق ءبىلىم بەرۋ ۇيىمدارىندا پەداگوگتار، قىزمەتكەرلەر مەن اتا- انالار ءۇشىن «ASHYQ» جۇيەسىن ەنگىزۋ قاجەت. 25-تامىزعا دەيىن وقۋلىقتار كەستەگە سايكەس تولىعىمەن جەتكىزىلۋى كەرەك. بۇل، ەڭ الدىمەن، وقۋلىقتارمەن قامتاماسىز ەتۋ ماسەلەسى بويىنشا كەستەدەن كەشىگىپ وتىرعان 2 وڭىرگە - پاۆلودار جانە تۇركىستان وبلىستارىنا قاتىستى»، - دەدى پرەمەر- مينيستر.
