ۆاكسيناتسيا: يسلامدا جالعان اقپارات تاراتۋدىڭ كۇناسى قانداي

«ارامىزدا انتيۆاكسەرلەر ءجۇر، ىشىندە دارىگەر دە بار. ۇنەمى ادامدار اراسىندا كۇمان سەۋىپ جۇرەدى. يسلامدا جالعان اقپارات تاراتۋ كۇنا مە»، - دەپ سۇرادى دينارا ءساتجان.

«جالا جابۋ - يسلامدا ەڭ زياندى قاسيەتتەردىڭ ءبىرى. حاديستە وتىرىكشى ادامنىڭ ءدىني سەنىم يەسى بولا المايتىنى ايتىلعان. 6-اياتتىڭ 49-سۇرەسىن بويىنشا، سىزگە رەپۋتاتسياسى تۇسىنىكسىز، كۇناھار ادام كەلسە جانە قانداي دا ءبىر جاعدايعا، ادامدارعا دەگەن كوزقاراسىڭىزدى جاعىمسىز جاققا وزگەرتە الاتىن مالىمەت بەرسە، بۇل جاعدايدى اشىپ، ءمانىن ءتۇسىنۋىڭىز كەرەك. ياعني، ءمان- جايدى ايقىنداۋ كەرەك. ەگەر اسىعىس قورىتىندى جاساساڭىز، بىرەۋگە زيان كەلتىرىپ، سوڭىندا وكىنىپ قالۋىڭىز مۇمكىن»، - دەپ ءتۇسىندىردى يمام.

يمامنىڭ ايتۋىنا قاراعاندا يسلامدا كەز-كەلگەن جاعدايدا قانداي دا ءبىر تۇردە وتىرىك ايتۋعا جول بەرىلمەۋى كەرەك جانە ول كۇنا بولىپ سانالادى.

«قۇراندا ادام ءبىلىم الىپ، ءبىراق ونى قولدانباسا، ياعني، ميىن ىسكە قوسپاسا، پايدالى ءبىلىمدى زەرتتەمەسە، ول ەسەككە ۇقسايدى دەپ ايتىلادى. قازىرگى تاڭدا ءتۇرلى پىكىرلەر بار. سونىڭ ءبارىن وقىڭىز، قورىتىندى جاساڭىز. ءبىراق بىرەۋدى قورلاۋدىڭ جانە كەمسىتۋدىڭ قاجەتى جوق. بۇل تومەن دەڭگەيگە ءتۇسۋ»، - دەدى شاميل الياۋتدينوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى