اتىراۋدا دەمالىس بازاسىنداعى ۇيلەنۋ تويى درونمەن انىقتالدى
اتىراۋ قالاسى اكىمدىگىنىڭ باسپا ءسوز قىزمەتىنىڭ اقپاراتىنا قاراعاندا، كارانتين كەزىندە دەمالىس بازاسىنىڭ بىرىندە ۇيلەنۋ تويى وتكەن. مونيتورينگ توبى 8-تامىزدا بەرەكە اۋىلىنداعى دەمالىس بازاسىنىڭ بىرىندە وتكىزىلگەن ۇيلەنۋ تويىن درون ارقىلى انىقتادى. اۋەدەن تۇسىرىلگەن ۆيدەودا دەمالىس بازاسىنىڭ اۋماعىندا كوپ كولىكتىڭ تۇرعانى بايقالدى. توپ مۇشەلەرى دەمالىس بازاسىنا بارعاندا 90-عا جۋىق قوناقتىڭ قاتىسۋىمەن ۇيلەنۋ تويى ءوتىپ جاتقانىن تىركەدى.
«دەمالىس بازاسىنىڭ اكىمشىسى كارانتين شەكتەۋىنە قاراماستان سالتاناتتى ءىس-شارا وتەتىن نىساندى جالعا بەرگەنىن مويىندادى» - دەپ حابارلادى اكىمدىكتىڭ باسپا ءسوز قىزمەتى.
ەسكە سالا كەتەلىك، بۇدان بۇرىن اتىراۋدا مەيرامحاناداعى ۇيلەنۋ تويى تارقاتىلعان بولاتىن.
