ش ق و-دا قاراقشىلاردىڭ كيىمىن كيگەن قۇتقارۋشىلار جاعاجايدا ەرەكشە اكسيا ۇيىمداستىردى - فوتو
ش ق و ت ج د باسپا ءسوز قىزمەتىنىڭ مالىمەتىنە سۇيەنسەك، قاراقشىلار بولىپ كيىنگەن قۇتقارۋشىلار كوكپەكتى اۋدانىنداعى حالىق ەڭ كوپ باراتىن شومىلۋ ورنىنا كەلدى.
«التىن قۇم» دەپ اتالاتىن ۇزىندىعى 110 شاقىرىمعا جەتەتىن جاعالاۋدا جىل سايىن 50000-عا جۋىق ادام دەمالادى. ءبىراق بۇل ۋچاسكە قاۋىپسىز ەمەس. سۋعا شومىلۋ ماۋسىمى باستالعالى بەرى مۇندا 5 ادام باتىپ كەتكەن. جالپى وبلىس بويىنشا سۋ ايدىندارىندا 31 ادام، ونىڭ ىشىندە 8 بالا كوز جۇمدى.
«اكسيا اياسىندا قاراقشىلار دەمالۋشىلارعا سۋداعى قاۋىپسىزدىك بويىنشا سۇراقتار قويدى. دۇرىس جاۋاپ بەرمەيتىندەردى قاراقشىلار «ۇرلاپ اكەتتى». سونداي-اق شارا بارىسىندا جەدەل قۇتقارۋ جاساعىنىڭ قۇتقارۋشىلارى ماتراسپەن جۇزگەن كەزدە قالاي باتىپ كەتپەۋ كەرەكتىگىن كورسەتۋ ءۇشىن شەبەرلىك ساباعىن وتكىزدى. ويتكەنى ءدال وسى سۋ ايدىنىندا ماتراسپەن ءجۇزىپ جۇرگەن 2 ايەل باتىپ كەتكەن»، - دەدى دەپارتامەنت باستىعىنىڭ ورىنباسارى دميتري تيتوۆ. سونداي-اق سۇڭگۋىرلەر سۋدىڭ ءتۇبىن تەكسەردى. اكسيا ازاماتتاردىڭ نازارىن سۋداعى قاۋىپسىزدىككە اۋدارۋ ماقساتىندا ۇيىمداستىرىلعان. ءىس-شاراعا قاتىسقان كوكپەكتى اۋداندىق جاستار رەسۋرستىق ورتالىعىنىڭ ەرىكتىلەرى دەمالۋشىلارعا ارنايى جادىنامالار تاراتىپ، ءتۇسىندىرۋ جۇمىستارىن جۇرگىزۋگە اتسالىستى.
