توكيوداعى وليمپيادا ويىندارى تاعى دا كەيىنگە شەگەرىلۋى مۇمكىن

ەگەر سپورتشىلار اراسىندا كوروناۆيرۋس ءورشىپ كەتسە، وندا ۇيىمداستىرۋشىلار شۇعىل تۇردە كەڭەس وتكىزىپ، وليمپيادا ويىندارىن كەيىنگە شەگەرۋ قاراستىرىلماق.

«ءبىز قانشا ادام كوروناۆيرۋس جۇقتىراتىنىن بولجاي المايمىز. ەگەر جاعداي قيىنداپ كەتسە، نە ىستەۋ كەرەكتىگى جايلى ويلانامىز»، - دەدى وليمپيادا ويىندارىنىڭ وكىلى.

جەرگىلىكتى باسىلىمداردىڭ مالىمەتىنشە، سپورتشىلار اراسىندا 68 ادام كوروناۆيرۋسقا شالدىققان.

بۇعان دەيىن جاپونيا تەك 26 سايىس كورەرمەن قاتىسۋىمەن وتەتىنىن حابارلاعان ەدى. قالعان 724 جارىس ويىندارىنا تەك سپورتشىلار قاتىسادى. ال 12-شىلدە 22-تامىزعا دەيىن توكيودا توتەنشە جاعداي رەجيمى ەنگىزىلەدى.

ايتا كەتسەك، توكيوداعى وليمپيادا ويىندارى كوروناۆيرۋس پاندەمياسىنا بايلانىستى 2021 -جىلعا قالدىرىلعان ەدى.

Stan.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى