قازاقستاندا توكيو وليمپياداسىن تىكەلەي ترانسلياتسيالاۋ نەلىكتەن جۇرگىزىلمەيتىنى بەلگىلى بولدى

«XXXII جازعى وليمپيادا ويىندارىنىڭ ترانسلياتسياسىنا قاتىستى كورەرمەندەر مەن ارىپتەستەرىمىزدەن كەلىپ ءتۇسىپ جاتقان ساۋالدارعا بايلانىستى كەلەسىنى حابارلايمىز. توكيو وليمپياداسىنىڭ تىكەلەي ترانسلياتسيالاۋ قۇقىعى «Dentsu Inc.» كومپانياسىنا تيەسىلى. «قازاقستان» تەلەراديوكورپوراتسياسى مەن «حابار» اگەنتتىگى تەلەارنالارى ارقىلى جازعى وليمپيادانى ەل اۋماعىندا كورسەتۋ بويىنشا كەلىسسوزدەردى 2019 -جىلى باستاعان بولاتىن. تاراپتار ازىرگە ورتاق كەلىسىمگە كەلە العان جوق. ەكىجاقتى كەلىسىمنىڭ ۇزاققا سوزىلۋ سەبەبى، قۇقىق يەسىنىڭ ليسەنزيا باعاسىن 2016 جانە 2018 -جىلدارداعى وليمپيادا ويىندارىمەن سالىستىرعاندا 123 پايىزعا قىمباتقا ۇسىنۋى»، دەلىنگەن حابارلامادا.

تەلەراديوكورپوراتسيانىڭ مالىمدەۋىنشە، قازىرگى كەزدە Qazsport، «حابار»، «قازاقستان» تەلەارنالارى قازاقستاندىق سپورتشىلاردى قولداۋ جانە وتاندىق كورەرمەندەرگە وليمپيادادان جەدەل اقپارات ۇسىنۋ بويىنشا جان- جاقتى ازىرلىك جۇمىسىن جۇرگىزىپ جاتىر.

«تەلەارنالاردىڭ ۇلتتىق وليمپيادا كوميتەتى مەن شەتەلدىك ءىرى اقپارات اگەنتتىكتەرىنەن فوتو، - ۆيدەوماتەريالدار الۋ مۇمكىندىگى قاراستىرىلعان»، دەلىنگەن حابارلامادا.

XXXII جازعى وليمپيادا ويىندارى توكيودا 23 - شىلدە مەن 8- تامىز ارالىعىندا وتەدى. بۇل جولعى وليمپياداعا كورەرمەندەر قاتىسپايدى. قازاقستان قۇراماسىندا سپورتتىڭ 27 تۇرىنەن 96 جولداما بار. 17- شىلدەدە قازاقستاننىڭ وليمپيادا كومانداسى توكيوعا باردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى