مەديتسينالىق كومەكتىڭ بارلىق ءتۇرى قولجەتىمدى ءارى ساپالى بولۋى كەرەك - توقايەۆ
«مەن مەديتسينالىق كومەكتىڭ قول جەتىمدىلىگى تومەندەگەنىن تەككە ايتىپ تۇرعان جوقپىن. بۇل انا مەن بالا ءولىم-ءجىتىمىنىڭ، قان اينالىمى جۇيەسى اۋرۋلارىنان جانە باسقا دا اۋرۋلاردان بولاتىن ءولىم-ءجىتىمنىڭ وسۋىنە اسەر ەتۋدە»، - دەدى پرەزيدەنت.
مەملەكەت باسشىسى مەديتسينالىق مەكەمەلەردەگى توسەكتەردى COVID-19 ينفەكسياسىنا بەيىمدەۋدىڭ اسەرىنەن جوسپارلى وتالاردى جۇرگىزۋگە كەتەتىن قىمبات ۋاقىت ۇرلانىپ جاتقانىن ايتتى.
«سالدارىنان اسقىنعان پاتولوگياسى بار پاتسيەنتتەردىڭ سانى ارتىپ، ءولىم- ءجىتىم كوبەيەدى. پاندەميا جاعدايىندا مەديتسينالىق كومەكتىڭ بارلىق باعىتتارى بويىنشا مەديتسينالىق كومەكتىڭ ساپاسى مەن قولجەتىمدىلىگىن قامتاماسىز ەتۋ ماڭىزدى. ۇلتتىق ۆاكتسينالاۋ كۇنتىزبەسى اياسىندا ەكپەنى ۋاقتىلى جاساۋ وتە ماڭىزدى»، - دەدى قاسىم-جومارت توقايەۆ.
ەسكە سالساق، پرەزيدەنت قاسىم-جومارت توقايەۆ ەلىمىزدەگى سانيتارلىق-ەپيدەميولوگيالىق احۋال جونىندە جۇمىس كەڭەسىن وتكىزىپ جاتىر.
