قامشىبەك قوڭقابايەۆ: وليمپيادالىق اۋىلدا بارلىق قاۋىپسىزدىك تالاپتارى ساقتالعان
بوكسشى وليمپيادالىق اۋىلداعى ۇيىمداستىرۋ دەڭگەيى جوعارى ەكەنىن العا تارتتى.
»كوپتەن كۇتكەن توكيو وليمپياداسىنىڭ دا باستالۋىنا ساناۋلى كۇندەر قالدى. بۇگىندە قازاقستان كومانداسى جاپونيا جەرىنە تابان تىرەدى. مۇندا كوروناۆيرۋستى ينفەكسياعا بايلانىستى تىيىم وتە كوپ. ەرەجەلەردىڭ بارلىعىن ساقتاپ ءجۇرمىز. بىرنەشە رەت پ ت ر تەست تاپسىرىپ، دەنىمىزدىڭ ساۋ ەكەنىن قايتا- قايتا دالەلدەۋگە مىندەتتىمىز. قاۋىپسىزدىكتى ساقتاۋ ءۇشىن كوپ كوڭىل بولىنۋدە. قازىرگىدەي پاندەميا جاعدايىندا بۇل وتە دۇرىس قادام دەپ ەسەپتەيمىن. كەشە كوماندانىڭ العاشقى جاتتىعۋى ءوتتى. ءبارى دە كوڭىلدەن شىعادى، ءبارى دە جوعارى دەڭگەيدە. كوڭىل- كۇيىمىز دە تاماشا. باپكەرلەر ءبىزدى بۇل دوداعا جاقسى دايىندادى. وسى ورايدا، بارشا قازاقستاندىق جانكۇيەرلەردى ءبىزدىڭ كوماندانى قولداۋعا شاقىرامىن. سىزدەردىڭ قولداۋلارىڭىز مۇنداي ماڭىزدى ساتتە اسا قاجەت»، - دەيدى بوكستان كوماندا كاپيتانى قامشىبەك قوڭقابايەۆ.
