كوروناۆيرۋس: قاراعاندىدا وتباسىمەن اۋرۋحاناعا تۇسكەندەر كوبەيىپ بارادى

اۋرۋحاناعا جاتقىزىلعانداردىڭ % 99- ى ۆاكسينا الماعان. كوبىنەسە اۋرۋحانالارعا بۇكىل وتباسىلارىمەن تۇسەدى.

«وتباسىمىزبەن بىرگە ۆاكسيناتسيالاۋعا ۇلگەرمەدىك. اۋرۋحاناعا انامىزبەن بىرگە تۇستىك. ونىڭ قانت ديابەتى بار. اۋرۋ وتە قاۋىپتى جانە ءسىزدى نە كۇتىپ تۇرعانىن بىلمەيسىز. مەديتسينا قىزمەتكەرلەرىنە كاسىبيلىگى ءۇشىن راحمەت. ەمدەلىپ، قالپىمىزعا كەلگەن سوڭ مىندەتتى تۇردە ەگىلەتىن بولامىز»، - دەدى قاراعاندىلىق ناۋقاستاردىڭ ءبىرى.

كوۆيدتىك اۋرۋحانالاردا دارىگەرلەر تاۋلىك بويى جۇمىس ىستەيدى. ۇنەمى ارالاۋ، ەمدەۋ، ساتۋراتسيانى تەكسەرۋ قاجەت. ناۋقاستارعا تىنىس الۋ جاتتىعۋلارىن جاساۋعا، كوپ سۇيىقتىق ىشۋگە جانە ەتبەتىمەن جاتۋعا كەڭەس بەرىلەدى.

« قىزىل» ايماقتاعى دارىگەرلەر قاراعاندىلىقتاردان ءبىر عانا نارسە - ەكپە جاساۋدى سۇرايدى. ۆاكسيناتسيالانعان ادام كوروناۆيرۋس ينفەكسياسىن جۇقتىرسا دا، اۋرۋ الدەقايدا جەڭىل بولادى. قاراعاندى وبلىسىندا 19 - شىلدەدەگى جاعداي بويىنشا ۆاكسينانىڭ ءبىرىنشى كومپونەنتىن 351018 ادام، ەكىنشىسىن 197253 ادام الدى.

اۆتور: اگاتا مۋحامەدجانوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى