بەيجىڭ قىسقى وليمپياداسى: قۇرىلىس جۇمىستارى قاشان اياقتالادى

بۇل تۋرالى بەيجىڭ قالالىق كەڭ اۋقىمدى جوبالار باسقارماسى ءمالىم ەتتى، دەپ حابارلايدى قازاقپاراتتىڭ مەنشىكتى ءتىلشىسى.

قازىر بەيجىڭدە «قۇس ۇياسى» ۇلتتىق ستاديونىنىڭ قۇرىلىسى ءجۇرىپ جاتىر. وندا وليمپيادا ويىندارىنىڭ اشىلۋ جانە جابىلۋ سالتاناتى وتەدى. جالپى سانى 57 قىسقى وليمپيادا جوبالارىنىڭ بۇگىندە 53 نىڭ قۇرىلىسى اياقتالدى. ال قالعان 4 جوبا، ونىڭ ىشىندە «قۇس ۇياسى» ستاديونى دا بار الداعى ايلاردا پايدالانۋعا بەرىلۋى ءتيىس. قىسقى وليمپياداعا ارنالعان سپورت نىساندارى بەيجىڭ قالاسىنىڭ ءۇش كلاستەرىندە ورنالاسقان.

اتاپ ايتقاندا، قىتاي ەلورداسىنىڭ ورتالىعىندا، جاڭجياكۋ (سولتۇستىك قىتاي، حىبي پروۆينسياسى) جانە بەيجىڭنىڭ سولتۇستىك- باتىس ۋەزىنىڭ استاناسى يانتسيندە جايعاسقان. بەيجىڭنىڭ ورتالىق ستاديونىندا وليمپيادا ويىندارىنىڭ اشىلۋ سالتاناتى، مانەرلەپ سىرعاناۋ، شورت- ترەك، حوككەي، كەرلينگ جانە كونكي سپورتى وتەدى. يانچين ۋەزىندە تاۋ شاڭعى سپورتى، بوبسلەي، شانا سپورتى جانە سكەتەلون وتپەك. ال جاڭجياكۋ قالاسىندا شاڭعى تەبۋ، شاڭعىمەن ترامپليننەن سەكىرۋ، بياتلون، فريستايل جانە سنوۋبورد سپورت ءتۇرىن وتكىزۋ جوسپارلانىپ وتىر.

ەسكە سالا كەتسەك، بەيجىڭدە XXIV قىسقى وليمپيادا 2022 -جىلدىڭ 4-20-اقپان ارالىعىندا وتەدى.

اۆتورى رۋسلان سۇلەيمەن

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى