ۆاكسينا الماعاندار اراسىندا كوروناۆيرۋس جۇقتىرعاندار كوبەيدى

جاڭا دەلتا شتامىن جۇقتىرۋشىلار سانىنىڭ كوبەيۋى پاندەميانىڭ جاڭا تولقىنىن تۋعىزدى، بۇل ۆاكسينالانباعان ادامدار اراسىندا ءجيى كەزدەسۋدە، دەپ حابارلايدى قازاقپارات امەريكا داۋىسى جاڭالىقتار قىزمەتىنە سىلتەمە جاساپ. ۆاكسيناتسيا دەڭگەيى ەڭ تومەن ءتورت شتاتتا وتكەن

اپتادا %40 ينفەكسيا جۇقتىرۋ جاعدايى تىركەلگەن. الايدا اۋرۋعا شالدىعۋشىلار سانىنىڭ ارتۋى بارلىق 50 شتاتتا بايقالادى. اۋرۋلاردى باقىلاۋ جانە الدىن الۋ ورتالىعىنىڭ ديرەكتورى، دوكتور روشەل ۆالەنسكي جۇما كۇنى وتكەن اپتادا ا ق ش-تا كۇن سايىن ورتا ەسەپپەن 26000 جاڭا كوروناۆيرۋس جاعدايى تىركەلگەنىن ايتتى.

ونىڭ ايتۋىنشا، ەپيدەميا «ۆاكسينالانباعان ادامدار اراسىنداعى پاندەمياعا» اينالدى. كەيىن جۇمادا پرەزيدەنت دجو بايدەن «بىزدەگى پاندەميا - ۆاكسيناتسيالانباعان ادامدار اراسىنداعى پاندەميا» ەكەنىن راستادى. دجونس حوپكينس ۋنيۆەرسيتەتىنىڭ كوروناۆيرۋس بويىنشا ورتالىعىنىڭ سەنبى كۇنگى مالىمەتىنە سەنسەك، الەمدە COVID-19-دان 4 ميلليوننان استام ءولىم جاعدايى تىركەلگەن. زەرتتەۋشىلەردىڭ دەرەكتەرىنە سايكەس، 2020 -جىلدان باستاپ الەم بويىنشا جاڭا كوروناۆيرۋسقا شالدىعۋدىڭ 189 ميلليوننان استام جاعدايى تىركەلگەن.

اۆتور: اياۋلىم التىنبەك

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى