وليمپيادا قالاشىعىندا تۇرىپ جاتقان سپورتشىدان كوروناۆيرۋس تابىلدى

بۇل جايىندا وليمپيادا ۇيىمداستىرۋشىلارى جەكسەنبى كۇنى تاراتقان مالىمەتتە ايتىلعان.

قۇجاتتا سونداي-اق 18-شىلدەدە وليمپيادا قالاشىعىندا تۇرمايتىن اتلەتتىڭ، ب ا ق قىزمەتكەرىنىڭ، وليمپيادا وبەكتىلەرىندە جۇمىس ىستەيتىن ءبىر جۇمىسشى مەن جارىستى وتكىزۋگە قاتىسى بار تاعى 5 ادامنىڭ دا وسى ىندەتكە شالدىققانى جازىلعان.

كوروناۆيرۋس جۇقتىرعانداردىڭ ءبارى - جاپونيا ازاماتتارى ەمەس. 17-شىلدەدە ۇيىمداستىرۋ كوميتەتى وليمپيادا اۋىلىندا ءبىرىنشى رەت ك ۆ ي جۇقتىرۋ دەرەگى تىركەلگەنىن ءمالىم ەتكەن بولاتىن. توكيو وليمپياداسى 2020 -جىلدىڭ 24 -شىلدەسى مەن 9-تامىزى ارالىعىندا ءوتۋى ءتيىس بولاتىن.

پاندەمياعا بايلانىستى جارىس ءبىر جىلعا كەيىنگە قالدى، ەندى ول 23-شىلدەدەن 8-تامىزعا دەيىن وتەدى. ۇيىمداستىرۋشىلار ويىندى شەتەلدىك جانكۇيەرلەرسىز وتكىزۋگە شەشىم قابىلدادى، سونىمەن قاتار جەرگىلىكتى كورەرمەندەر توكيونى قوسا العاندا، التى جاپون پرەفەكتۋراسىندا وليمپيادا شارالارىنا جىبەرىلمەيدى. 12-شىلدەدەن باستاپ توكيودا ەپيدەميالىق احۋالدىڭ ناشارلاۋىنا بايلانىستى توتەنشە جاعداي رەجيمى قايتادان كۇشىنە ەنىپ، 22-تامىزعا دەيىن جالعاسادى.

اۆتور: جانات قاپالبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى