اپتاپ ىستىق، جاڭبىر، جەل - جەكسەنبىگە ارنالعان اۋا رايى
18-شىلدەدە سيكلونعا بايلانىستى قازاقستاننىڭ باسىم بولىگىندە اۋا رايى قۇبىلمالى بولادى، جاڭبىر جاۋادى، نايزاعاي وينايدى، كەي جەرلەردە بۇرشاق جاۋۋى مۇمكىن. تەك ەلىمىزدىڭ وڭتۇستىگىندە، وڭتۇستىك- باتىسىندا جانە شىعىسىندا كۇن رايى اشىق بولۋى ىقتيمال.
كەي جەرلەردە جەل كۇشەيىپ، سولتۇستىكتە تۇمان تۇسەدى. قوستاناي، پاۆلودار، قاراعاندى وبلىستارىنىڭ كەي جەرلەرىندە، الماتى وبلىسىنىڭ تاۋلى اۋداندارىندا نايزاعاي جارقىلدايدى، جەل 15-20 م/س كۇشەيەدى، قوستاناي وبلىسىنىڭ كەي جەرلەرىندە تۇمان تۇسەدى.
اقمولا، باتىس قازاقستان وبلىستارىنىڭ كەي جەرلەرىندە نايزاعاي ويناپ، كۇندىز كەي جەرلەردە جەل 15-20 م/س كۇشەيەدى، اقمولا وبلىسىنىڭ كەي جەرلەرىندە بۇرشاق جاۋىپ، تۇمان تۇسەدى. كۇندىز جامبىل وبلىسىنىڭ تاۋلى اۋداندارىندا نايزاعاي ويناپ، بۇرشاق جاۋادى، شاڭدى داۋىل سوعۋى مۇمكىن، جەل كۇشەيىپ، جىلدامدىعى 15-20 م/س جەتەدى.
سولتۇستىك قازاقستان، اقتوبە وبلىستارىنىڭ كەي جەرلەرىندە نايزاعاي جارقىلدايدى، سولتۇستىك قازاقستان وبلىسىنىڭ كەي جەرلەرىندە تۇندە جانە تاڭەرتەڭ تۇمان تۇسەدى.
كۇندىز قىزىلوردا، ماڭعىستاۋ، اتىراۋ، باتىس قازاقستان وبلىستارىندا، اقتوبە، قاراعاندى وبلىسىنىڭ وڭتۇستىگىندە قاتتى ىستىق بولادى. قىزىلوردا، تۇركىستان، ماڭعىستاۋ، جامبىل وبلىستارىنىڭ باسىم بولىگىندە، الماتى، اتىراۋ، باتىس قازاقستان، اقتوبە، قوستاناي، قاراعاندى وبلىستارىنىڭ كەي جەرلەرىندە ءورت قاۋپى وتە جوعارى.
