«سپۋتنيك لايت» ۆاكسيناسىنىڭ ەرەكشەلىگى نەدە؟

«قازاقستاندا «سپۋتنيك لايت» ۆاكسيناسى ۋاقىتشا تىركەلدى.

«سپۋتنيك لايت» - «سپۋتنيك V» سياقتى ۆاكسينا، ءبىراق تەك ءبىرىنشى دوزاسى.

«سپۋتنيك لايتتىڭ» سيپاتتاماسى قانداي: ول %80 تيىمدىلىك كورسەتتى جانە ەكپەدەن كەيىنگى يممۋنيتەتتىڭ ۇزاقتىعى 6 ايعا دەيىن عانا ساقتالادى. قازىر «سپۋتنيك لايتتى» حالىقتىڭ تاڭداۋىنا قاراي قولدانۋ جوسپارلانعان - كىم ەكى ۆاكسينا العىسى كەلمەيدى جانە ونىڭ قىسقا يممۋنيتەتىنە كەلىسەدى، سول ازاماتتارعا «سپۋتنيك لايت» ەگىلەدى»، - دەدى ا. ەسماعامبەتوۆا ورتالىق كوممۋنيكاتسيالار قىزمەتىندە وتكەن بريفينگتە.

سپيكەردىڭ ايتۋىنشا «سپۋتنيك لايت» قاجەتتىلىك تۋىنداعان جاعدايدا قايتا ۆاكسينالاۋعا دا پايدالانىلۋى مۇمكىن.

«ازىرگە ءبىز ريەۆاكسيناتسيا ماسەلەسىن كوتەرمەدىك، د د س ۇ دا ريەۆاكسيناتسيا قاجەتتىلىگى تۋرالى ايتپادى. ءبىراق الداعى ۋاقىتتا قانداي دا ءبىر جاڭا دەرەكتەر، ريەۆاكسيناتسيا جۇرگىزۋ قاجەتتىگى تۋرالى زەرتتەۋ ناتيجەلەرى پايدا بولسا، «سپۋتنيك لايت» ريەۆاكسيناتسيا ءۇشىن دە پايدالانىلۋى مۇمكىن»، - دەيدى ا. ەسماعامبەتوۆا.

ەسكە سالا كەتسەك، 2021-جىلى 12- شىلدەدە ق ر د س م مەديتسينالىق جانە فارماتسيەۆتيكالىق باقىلاۋ كوميتەتى رەسەيلىك «سپۋتنيك لايت» ۆاكسيناسىنا ۋاقىتشا تىركەۋ كۋالىگىن بەردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى