جولاۋشىلار ۇشاعى راداردان جوعالىپ كەتتى

بۇل تۋرالى تاسس اگەنتتىگىنە اۆياتسيالىق قىزمەتتەگى اقپارات بەرۋشى مالىمدەگەن، دەپ حابارلايدى قازاقپارات تاسس اگەنتتىگىنە سىلتەمە جاساپ.

ءارتۇرلى دەرەكتەر بويىنشا، ۇشاقتا 13-17 ادام بار. ولاردىڭ تورتەۋى - بالا.

«ۇشاق باكچار اۋدانىندا راداردان جوعالدى. ونىڭ توتەنشە ماياگى ىسكە قوسىلعان. بورتتا 17 ادام بار، ولاردىڭ تورتەۋى - بالا. ۇشەۋى - ەكيپاج مۇشەلەرى»، - دەدى اۆياتسيالىق قىزمەتتەگى اقپارات بەرۋشى تاسس اگەنتتىگىنە.

ول ان-28 ۇشاعىنىڭ شامامەن قايدا ەكەنىنىڭ كوورديناتاسى انىقتالعانىن ناقتىلادى.

«ان-28 ءدىڭ توتەنشە ماياگىنىڭ ىسكە قوسىلعانى تىركەلدى. الدىن الا دەرەكتەر بويىنشا، كوورديناتالار باچكار اۋىلىنىڭ ماڭىن كورسەتىپ تۇر»، - دەدى اگەنتتىككە سۇحبات بەرۋشى.

ونىڭ ايتۋىنشا، ەكيپاج بورتتاعى اقاۋلار تۋرالى حابار بەرمەگەن.

«ۇشۋ شتاتتى تۇردە ءوتتى. ەكيپاج بورتتاعى ەشقانداي اقاۋ نەمەسە پروبلەما تۋرالى حابار بەرمەدى»، - دەدى اگەنتتىككە سۇحبات بەرۋشى.

ودان بولەك، ۇشاقتا ۇشۋ الدىندا ەشقانداي تەحنيكالىق اقاۋ بولماعان.

«ۇشۋ الدىنداعى بارلىق پروتسەدۋرالار جاسالعان. ۇشاقتا تەحنيكالىق اقاۋ انىقتالماعان»، - دەپ قوستى ول.

ان-28 ۇشاعى قۇلاعان بولۋى مۇمكىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى