اباقتى قابىرعاسىندا نەلسون ماندەلانىڭ سۋرەتى پايدا بولدى - فوتو

قىلمىستىق اتقارۋ جۇيەسى كوميتەتى شارانى بىرىككەن ۇلتتار ۇيىمىنىڭ قولداۋىمەن وتكىزدى. ۆەدومستۆونىڭ باسپا ءسوز قىزمەتىنىڭ حابارلاۋىنشا، شەبەرلىك ساعاتى پيلوتتىق جوبا بويىنشا جۇمىس ىستەپ تۇرعان ەكى پەنيتەنسيارلىق مەكەمەدە وتكەن. ونىڭ ءبىرى گيبريدتى فورماتتا ۇيىمداستىرىلىپ، بەينەبايلانىس ارقىلى قازاقستاننىڭ تۇكپىر- تۇكپىرىنەن قوسىمشا 20 پەنيتەنسيارلىق مەكەمە قوسىلعان. شەبەرلىك ساباعىن بەلگىلى قازاقستاندىق سۋرەتشى اسحات احمەدياروۆ وتكىزدى.

«ونەر ارقىلى سوتتالعاندار ارت- تەراپيادان ءوتتى. ونەر - رۋحاني تازارۋدىڭ ءبىر ەلەمەنتى. سالىنعان سۋرەتتەردەگى ويلار مەن ماقسات- تىلەكتەر شىن جۇرەكتەن شىقتى. ويلانۋعا نەگىز بەرەتىن كەرەمەت جۇمىستار بار. باس بوستاندىعى شەكتەۋلى ورىنداعى ادامنىڭ جان تەبىرەنىسى، الاڭدايتىن ماسەلەسى، سەزىمى بار سۋرەتتەردە. ەڭ باستىسى - سۋرەتتەردەن ەرتەڭگە دەگەن ءۇمىت كوردىم. بۇل وتە ماڭىزدى»، - دەيدى سۋرەتشى.

قازاقستاندا كولونيا قابىرعاسىنا بىرلەسكەن مۋرال سالۋ ارەكەتى ءبىرىنشى رەت ىسكە اسىپ وتىر. «بۇل جۇمىس ب ۇ ۇ- نىڭ تۇتقىندارعا قاتىستى مينيمالدى ستاندارتتى ەرەجەلەرىمەن بايلانىستى. نەلسون ماندەلا تۇتقىندا بولعاندا وسى قاعيداتتىڭ ىسكە اسۋىنا تۇرتكى بولعان دەسەدى. مۋرالدى سالۋعا ماعان سوتتالعاندار كومەكتەستى. ولار ءۇشىن بۇل وزىندىك پسيحولوگيالىق وڭالتۋ بولدى دەپ ۇمىتتەنەمىن»، - دەيدى قىلقالام شەبەرى.

ەسكە سالساق، «پەنيتەنسيارلىق جۇيە جاڭا جاعدايدا» اتتى حالىقارالىق ونلاين-فورۋمدا قىلمىستىق اتقارۋ جۇيەسى كوميتەتى ءتوراعاسىنىڭ ورىنباسارى مەيرام ايۋبايەۆ بۇل ىستەگى نەلسون ماندەلانىڭ 20 ەرەجەسىن ەلدىڭ قىلمىستىق-اتقارۋ كودەكسىنە ەنگىزۋ تۋرالى ۇسىنىس جاساعان بولاتىن.

اۆتور: ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى