استانا تۇرعىنى ءدارىحانادا جاعدايى كەنەت ناشارلاپ، قۇلاپ تۇسكەن ادامنىڭ تەلەفونىن ۇرلادى
تەرگەۋ بارىسىندا انىقتالعانداي، كۇدىكتى كۇندىز ءدارىحاناعا بارعان. سول جەردە كەلۋشىلەردىڭ ءبىرى اۋىرىپ، سودان كەيىن ەدەنگە قۇلاپ تۇسكەن. قىزمەتكەرلەر مەن باسقا كەلۋشىلەر وعان العاشقى مەديتسينالىق كومەك كورسەتىپ جاتقان كەزدە كۇدىكتى وسى ءساتتى پايدالانىپ، ەر ادامعا تيەسىلى قۇنى 100 مىڭ تەڭگەلىك «Samsung» ماركالى تەلەفونىن ۇرلاپ، بەلگىسىز باعىتقا قاشىپ كەتكەن. ۇستالعان ازامات كىناسىن مويىندادى. ودان ۇرلانعان تەلەفون تاركىلەنىپ، يەسىنە قايتارىلدى. اتالعان فاكتى بويىنشا سوتقا دەيىنگى تەرگەۋ امالدارى جۇرگىزىلىپ جاتىر. ۇستالعان ادامنىڭ بۇرىن جاسالعان وسىعان ۇقساس قىلمىستارعا قاتىسى بار-جوعى انىقتالۋدا.
اۆتور: اياۋلىم التىنبەك
