پەتروپاۆلدا ءارى ماس كۇيدە، ءارى جالعان قۇجاتپەن كولىك جۇرگىزگەن ەر ادام ۇستالدى

سولتۇستىك قازاقستان وبلىسى پوليتسيا دەپارتامەنتى باسپا ءسوز قىزمەتىنىڭ مالىمەتىنشە، پەتروپاۆلداعى شۋحوۆ كوشەسىندە پاترۋلدىك پوليتسيا باتالونىنىڭ قىزمەتكەرلەرى «ۆاز-2114» كولىگىن توقتاتقان. كولىكتى تىزگىندەگەن 33 جاستاعى قالا تۇرعىنى ماس بولىپ شىقتى.

دەرەكتەر بازاسىنان جۇرگىزۋشى كۋالىگىن تەكسەرۋ كەزىندە قۇجاتتىڭ بوگدە ادامنىڭ اتىنا جازىلعانى بەلگىلى بولدى.

اتالعان فاكتى ق ر قىلمىستىق كودەكسىنىڭ 385-بابى «جالعان قۇجاتتاردى، ءمورتابانداردى، مورلەردى، بلانكىلەردى، مەملەكەتتىك پوشتا تولەمى بەلگىلەرىن، مەملەكەتتىك ناگرادالاردى قولدان جاساۋ، دايىنداۋ نەمەسە وتكىزۋ» بويىنشا سوتقا دەيىنگى تەرگەپ-تەكسەرۋلەردىڭ ءبىرىڭعاي تىزىلىمىنە ەنگىزىلدى. ساراپتاما تاعايىندالدى. ونىڭ ناتيجەسى بويىنشا تۇپكىلىكتى پروتسەستىك شەشىم قابىلدانباق. سونىمەن قاتار، ماس كۇيدە كولىك باسقارعانى ءۇشىن ەر ادام سوت شەشىمىمەن 20 تاۋلىككە اكىمشىلىك قاماققا الىندى. ماشينا ارنايى تۇراققا قويىلدى. س ق و- دا بيىل جۇرگىزۋشى كۋالىگىنەن ايىرىلسا دا قايتا ماس كۇيدە كولىك جۇرگىزگەن 117 ادام انىقتالدى.

اۆتور: اقەركە داۋرەنبەك قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى