توكيو وليمپياداسىنا الماتىدان قانشا سپورتشى باراتىنى بەلگىلى بولدى

قالا اكىمى twitter- دەگى پاراقشاسىنا توكيودا وتەتىن وليمپيادا ويىندارىنا الماتىدان 13 سپورتشى باراتىنىن جازىپ، ولارعا ساتتىلىك تىلەدى.

«الماتىنىڭ 13 سپورتشىسى توكيودا وتەتىن وليمپيادادا سپورتتىڭ التى تۇرىنەن قازاقستاننىڭ نامىسىن قورعايدى. ولار ءجۇزۋ، سپورتتىق گيمناستيكا، سۋ دوبى جانە ەڭ العاش رەت قۇزعا ورمەلەۋ بار. سونداي- اق ەكى سپورتشى پاراليمپيادادا ونەر كورسەتەدى. بارشاڭىزعا ساتتىلىك، شىدام مەن جەڭىس تىلەيمىن»، - دەپ جازدى باقىتجان ساعىنتايەۆ.

«توكيو - 2020» وليمپيادا ويىندارى وسى جىلدىڭ 23-شىلدەسىنەن 8-تامىزعا دەيىن جاپونيادا وتەدى. الماتى قالاسىنىڭ 13 سپورتشىسى وليمپيادا ويىندارىنا قاتىسۋ ءۇشىن سپورتتىڭ 6 ءتۇرى بويىنشا 13 ليتسەنزيانى جەڭىپ الدى: ءجۇزۋ (100 م، 200 م) - دميتري بالاندين؛ سپورتتىق شىڭعا شىعۋ - ريشات حايبۋللين؛ سپورتتىق گيمناستيكا - ميلاد كاريمي (7 ليتسەنزيا)؛ سۋ پولوسىنىڭ كومانداسى؛

جەڭىل اتلەتيكا - كريستينا وۆچيننيكوۆا؛ ستەندىلىك اتۋ - اسەم ورىنباي.

ەلدەگى ليتسەنزيالاردىڭ جالپى سانى - 96، ال سپورتشىلار سانى - 95. سونىمەن قاتار 24-تامىز بەن 5-قىركۇيەك ارالىعىندا توكيودا پاراليمپيادا ويىندارى وتەدى. الماتىدان 2 سپورتشى 2 ليتسەنزيا جەڭىپ الدى: پاراتاەكۆوندو - كاميليا دوسمالوۆا، پاراپاۋەرليفتينگ - الينا سولودۋحينا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى