راحىمجان وتاربايەۆ اتىنداعى رەسپۋبليكالىق بايقاۋ جاريالاندى

بايقاۋ «راحىمجان وتاربايەۆ شىعارماشىلىعى. ادەبي سىن» ءداستۇرلى رەسپۋبليكالىق بايقاۋ اياسىندا ۇيىمداستىرىلادى. بايقاۋدىڭ ۇيىمداستىرۋشىسى «راحىمجان وتاربايەۆ رۋحانيات قورى». رەسپۋبليكالىق بايقاۋعا قاتىسۋشىلاردىڭ جاس ەرەكشەلىگى شەكتەۋسىز.

بايقاۋدىڭ ماقساتى:

- سىن جانرىندا، سونىڭ ىشىندە كەنجەلەپ قالعان دراماتۋرگيالىق شىعارمالاردى زەرتتەۋدە ەڭبەك ەتىپ جۇرگەن ىزدەنۋشىلەردى تابۋ، ىنتالاندىرۋ، ناسيحاتتاۋ؛

- راحىمجان وتاربايەۆتىڭ درامالىق شىعارمالارىن ادەبيەتتانۋ سالاسىنىڭ زەرتتەۋ نىسانىنا اينالدىرۋ؛

- الەم جانە قازاق دراماتۋرگتەرىمەن سالىستىرا وتىرا راحىمجان وتاربايەۆتىڭ درامالىق شىعارمالارىنداعى باستى ەرەكشەلىكتەردى انىقتاۋ؛

- راحىمجان وتاربايەۆتىڭ درامالىق شىعارماشىلىعىنداعى تاريحي تۇلعالارعا، الەۋمەتتىك، جالپى ادامزاتتىق تاقىرىپتارعا زەرتتەۋ جۇرگىزۋ.

بايقاۋ قورىتىندىسى راحىمجان وتاربايەۆتىڭ 65 جىلدىق مەرەيتويى قارساڭىندا اتىراۋ قالاسىندا وتەدى (كارانتين جاعدايىنا بايلانىستى قورىتىندى قاشىقتىقتان ءوتۋى مۇمكىن. وزگەرىستەر قور پاراقشاسىندا الەۋمەتتىك جەلىلەرىندە الدىن-الا حابارلانادى).

بايقاۋعا قويىلاتىن تالاپتار:

بايقاۋعا كەلەسى زەرتتەۋ باعىتتارى بويىنشا جازىلعان جۇمىستار قابىلدانادى:

1- باعىت - «راحىمجان وتاربايەۆ دراماتۋرگياسىنداعى تاريحي تۇلعالار بەينەسىنىڭ اشىلۋ شەبەرلىگى»

2-باعىت - «راحىمجان وتاربايەۆ دراماتۋرگياسىنداعى الەۋمەتتىك، جالپى ادامزاتتىق تاقىرىپتاردىڭ اشىلۋى»

3-باعىت - ەركىن تاقىرىپ (كەز كەلگەن وتاندىق نەمەسە شەتەلدىك دراماتۋرگتىڭ شىعارماسىن زەرتتەۋ)

بايقاۋعا قاتىسۋشىلار 2021-جىلدىڭ شىلدە ايىنان باستاپ 2021-جىلدىڭ 30- قىركۇيەگىنە دەيىن ءوز جۇمىستارىن قوردىڭ ەلەكتروندىق پوشتاسىنا (rahimzhanruhaniat@mail.ru) جىبەرۋى ءتيىس.

بايقاۋعا قاتىسۋشىلاردىڭ جۇمىسىن باعالاۋ جانە جۇلدەگەرلەردى انىقتاۋ ءۇشىن قازىلار القاسى قۇرىلادى. قازىلار القاسىنىڭ قۇرامىن قور باسشىلىعى انىقتايدى. قازىلار القاسىنىڭ قۇرامى بەدەلدى ادەبيەتشىلەردەن، تەاترتانۋشىلاردان، عالىمداردان تۇرادى.

ءار باعىتتان تەك ءبىر قاتىسۋشى جەڭىمپاز اتانادى.

بايقاۋ جەڭىمپازدارى قارجىلاي سىيلىقتارمەن ماراپاتتالادى:

1- باعىت - «راحىمجان وتاربايەۆ دراماتۋرگياسىنداعى تاريحي تۇلعالار بەينەسىنىڭ اشىلۋ شەبەرلىگى» - 500000 تەڭگە.

2-باعىت - «راحىمجان وتاربايەۆ دراماتۋرگياسىنداعى الەۋمەتتىك، جالپى ادامزاتتىق تاقىرىپتاردىڭ اشىلۋى» - 500000 تەڭگە.

3-باعىت - ەركىن تاقىرىپ (كەز كەلگەن وتاندىق نەمەسە شەتەلدىك دراماتۋرگيالىق شىعارمانى زەرتتەۋ) - 250000 تەڭگە.

بايقاۋعا كەلىپ تۇسكەن شىعارمالار Qalamger.kz ادەبي-تانىمدىق پورتالىنىڭ ونلاين-بايقاۋ بولىمىندە جاريالاناتىن بولادى.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى