قۇربان شالۋ كىمدەرگە مىندەت ەمەس

«حانافي ءمازھابىندا قۇربان ايت كۇندەرى باي ادامعا قۇربان شالۋ - ءۋاجىپ ياعني مىندەت. شاريعاتىمىز بويىنشا «باي» دەپ مال- دۇنيەسى نىساپ مولشەرىنە جەتكەن ادامعا ايتىلادى. نىساپ مولشەرى - 40 قوي نەمەس 40 ەشكى، ياكي 30 ءىرى قارا نەمەسە 5 تۇيە. ول دا بولماسا قاجەتتىلىگىنەن ارتىق 85 گرامم التىن ياعني 1230000 تەڭگە قاراجات - نىساپ مولشەرى. مال- دۇنيەسى نيساپ مولشەرىنە جەتپەگەن، ياعني جاعدايى تومەن مۇسىلمانعا قۇربان شالۋ مىندەت ەمەس»، - دەپ ءتۇسىندىردى ناۋرىزباي قاجى تاعان ۇلى.

باس ءمۇفتيدىڭ ايتۋىنشا، ايت كۇندەرى از دا بولسا ساداقا بەرىپ، قاراۋسىز قالعان قارتتارعا، جەتىمدەر مەن كوپبالالى وتباسىلارعا كوڭىل ءبولۋ - ساۋاپتى ءىس.

«قۇرباندىق ەتىن مۇقتاج جاندارعا ۇلەستىرۋ ارقىلى مۇسىلماندار اراسىندا ماحاببات پەن سۇيىسپەنشىلىك ارتادى. سونىمەن قاتار ءوزىنىڭ بويىنداعى قاتىگەزدىك، ساراڭدىق سىندى سيپاتتاردان ارىلىپ، ونى مەيىرىمدىلىك، جومارتتىق، كىشىپەيىلدىك قاسيەتتەرگە اۋىستىرادى. اللا تاعالا شالعان قۇرباندىعىمىزدى، بەرگەن ساداقامىزدى قابىل ەتىپ، ەكى دۇنيە يگىلىگىن ءناسىپ ەتكەي!»، - دەدى ناۋرىزباي قاجى تاعان ۇلى.

باس ءمۇفتيدىڭ ايتۋىنشا، qurban2021.kz سايتى بۇگىن ساعات 15:00-دە ىسكە قوسىلىپ، قۇربان ايتتىڭ ءۇشىنشى كۇنى ياعني 22- شىلدەگە دەيىن جۇمىس ىستەيدى. قۇربان شالۋعا نيەت ەتكەن ازاماتتار وسى ارالىقتا تاپسىرىستارىن بەرە الادى. وسى سايت ارقىلى رەسپۋبليكا بويىنشا مۇقتاج جاندار قۇرباندىق ەتىن الۋ ءۇشىن 17- شىلدەدەن باستاپ ءوتىنىش بىلدىرە الادى. بيىلعى 20 -شىلدەدە رەسپۋبليكا اۋماعىندا تاڭعى ساعات 7.00-دە قاتاڭ سانيتارلىق نورما تالاپتارىن ساقتاي وتىرىپ، «سارى»، «جاسىل» ايماقتاردا 10 مينۋتتىق قۇربان ايت نامازى وقىلادى. سونداي- اق، ناۋرىزباي قاجى تاعان ۇلى قۋاڭشىلىق پەن جۇت جاعدايىندا قۇرباندىق شالۋ تۋرالى سۇراقتارعا جاۋاپ بەردى.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى