پاۆلوداردا جالعان ۆاكسينا پاسپورتىن ساتقان ەمحانا مەڭگەرۋشىسى مەن قىزمەتكەرلەرى ۇستالدى
پاۆلودار وبلىستىق پوليتسيا دەپارتامەنتىنىڭ قىزمەتكەرلەرى ق ر ۇ ق ك پاۆلودار وبلىسى بويىنشا دەپارتامەنت قىزمەتكەرلەرىمەن بىرلەسىپ، جەدەل ىزدەستىرۋ شاراسىن وتكىزدى. ونىڭ بارىسىندا ۆاكسينا ءتولقۇجاتىن قولدان جاسادى دەگەن كۇدىككە ىلىنگەن پاۆلودار قالاسى ەمحانالاردىڭ ءبىرىنىڭ مەديتسينا قىزمەتكەرلەرى ۇستالدى.
وسىلايشا، بۇل ەمحانانىڭ مەڭگەرۋشىسى، جالپى تاجىريبە دارىگەرى، سونداي- اق ەكى مەيىربيكە ادامداردى بەلگىلى ءبىر سوماعا ۆاكسينا العاندار تۋرالى مالىمەتتەر بازاسىنا تىركەدى دەگەن كۇدىككە ءىلىندى. تەرگەۋ بارىسىندا مەديتسينا قىزمەتكەرلەرى ۆاكسينالاۋ تۋرالى 200-دەن استام جالعان ءتولقۇجات تولتىرعانى انىقتالدى. اتالعان فاكتىمەن ق ر قىلمىستىق كودەكسىنىڭ 285-بابى بويىنشا سوت الدىنداعى تەرگەۋ امالدارى باستالعان. وقيعانىڭ ءمان- جايى انىقتالىپ جاتىر.
اۆتور: زارينا تۋعانبايەۆا
