قۇربان ايت: مال ساتۋدىڭ شەكتەۋلى ءتارتىبى ەنگىزىلدى

قاۋلى بويىنشا وڭىردە مەنشىك نىسانىنا قاراماستان بارلىق ۇيىمداردا، سونداي-اق جەكە مەنشىك ۇيلەر مەن مەدرەسەلەردە ادامدار كوپ جينالاتىن ءىس- شارالاردى وتكىزۋگە تىيىم سالىناتىن بولدى. «اۆتوكولىكتەردەن جانە جەكە مەنشىك ءۇي يەلىكتەرىنەن مال ساتۋعا تىيىم سالىنسىن»، - دەپ جازىلعان قۇجاتتا. سونداي-اق، قۇربانعا شالىناتىن مالدى ساتۋ جانە سويۋ جۇمىستارى تەك ۆەتەريناريالىق قىزمەتتىڭ رەسمي قورىتىندىسىن العان ارنايى پۋنكتەر مەن الاڭداردا جۇرگىزۋ قاجەتتىگى كورسەتكىلگەن. اتالعان مال سويۋ پۋنكتەرىندە كۇشەيتىلگەن ۆەتەريناريالىق- سانيتاريالىق باقىلاۋ مەن قاداعالاۋ جۇرگىزىلەتىنى ايتىلعان.

«قۇرباندىق شالۋدى Qurban2021.kz سايتىنا ءوتىنىم بەرە وتىرىپ، ونلاين- رەجيمدە وتكىزىلسىن. مۇقتاج ادامدارعا قۇرباندىق ەتىن تاراتۋ ءىسىن وعان تارتىلعان ادامداردى جەكە قورعانىش قۇرالدارىمەن قامتاماسىز ەتە وتىرىپ، تەز بۇزىلاتىن ونىمدەردى تاسىمالداۋ جانە ساقتاۋ جونىندەگى سانيتاريالىق- ەپيدەميولوگيالىق ەرەجەلەردىڭ تالاپتارىن ساقتاۋ ارقىلى ۇيىمداستىرۋ كەرەك»، - دەلىنگەن قاۋلى ماتىنىندە.

قاۋلى 16-شىلدە كۇنى ساعات 00:00-دەن باستاپ 23-شىلدەگە دەيىن كۇشىندە بولادى.

اۆتور: ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى