قاراعاندىلىق سارىباس اتتى تازى رەسپۋبليكالىق جارىستا جەڭىمپاز اتاندى - فوتو

قاراعاندى وبلىسى اقتوعاي اۋدانىنىڭ سارىباس اتتى تازىسى رەسپۋبليكالىق دودادا جەڭىمپاز اتاندى. «سارىباس ەكى جاستا، ول قازاق تازىسى. بيىل ول وبلىستىق جانە رەسپۋبليكالىق جارىستاردا التى رەت ءبىرىنشى ورىنعا يە بولدى»، - دەدى تازىنىڭ يەسى ارمان ورالحان.

ارماننىڭ ايتۋىنشا، مۇنداي جارىستاردىڭ باستى ماقساتى - ۇلتتىق قۇندىلىقتاردى، اتاپ ايتقاندا تازى تۇقىمىن ساقتاۋ. سونداي-اق، وسى تۇقىمىنىڭ ەڭ جىلدام وكىلىن انىقتاۋ. جارىستاعى قاشىقتىق ءارتۇرلى - ەكى شاقىرىمعا دەيىن. كوكشەتاۋدا يتتەر 1,3 شاقىرىم جۇگىردى. 30 فيناليستتىڭ ىشىندە سارىباس ءبىرىنشى بولدى.

«مەنىڭ ويىمشا، ءار قازاق تازى ۇستاپ، اتقا مىنە ءبىلۋى كەرەك. بالا كەزىمنەن بەرى تازىلارىم بار، مەن ولارمەن وسى كۇنگە دەيىن اينالىسىپ كەلەمىن. يتتەرگە ەرەكشە كۇتىم قاجەت، ولارعا ارنايى تاماق دايىندايمىن. قازىر ءۇش تازىم بار - سارىباس، سۇڭقار جانە اقكيىك. ءبىراق سارىباس ەرەكشە. جارىسقا تەك سونى شىعارامىن. بولاشاقتا سارىباستىڭ كۇشىكتەرىن وسىرگىم كەلەدى. الداعى ۋاقىتتا دا جارىسقا قاتىسۋ جوسپاردا بار»، - دەيدى ارمان ورالحان.

اۆتور: اگاتا مۋحامەدجانوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى