نۇر-سۇلتان قالاسىندا دەمالىس كۇندەرى قوعامدىق كولىك جۇرمەيتىن بولدى
جاڭا قاۋلىدا ساۋدا وبەكتىلەرىندە، قىزمەت كورسەتۋ سالاسىنداعى وبەكتىلەرگە، قوعامدىق كولىككە جانە ادامدار كوپ جينالۋى مۇمكىن ورىندارعا دەزينفەكسيالىق ءىس- شارالاردى جۇرگىزۋ بويىنشا جۇمىستى كۇشەيتۋ كەرەگى جازىلعان. قالالىق قوعامدىق كولىكتىڭ جۇمىسى (قاربالاس ساعاتتاردا اۆتوبۋستار سانىنىڭ ۇلعايۋىمەن، سوڭعى ايالدامادا دەزينفەكسيالاۋ قۇرالدارىمەن سالوندى وڭدەۋ، بارلىق ەسىكتەردى اشۋ، جولاۋشىلارعا قولجەتىمدى ورىنداردا تەرى انتيسەپتيگى بار سانيتايزەرلەردى ورناتۋ، الەۋمەتتىك قاشىقتىقتى مىندەتتى تۇردە ساقتاي وتىرىپ جانە جولاۋشىلار مەن جۇرگىزۋشىلەردىڭ بەتپەردەلەردى كيىپ ءجۇرۋى) جۇمىس كەستەسى جۇمىس كۇندەرى شتاتتىق كەستەگە سايكەس، سەنبى جانە جەكسەنبى كۇندەرى جۇمىستارىنا تىيىم سالىنادى. جۇمىسىن كۇشەيتىلگەن سانيتاريالىق- ەپيدەمياعا قارسى، سانيتاريالىق- پروفيلاكتيكالىق ءىس-شارالاردى ساقتاۋمەن قامتاماسىز ەتەتىن «Ashyq» جوباسىنا قاتىساتىن قوعامدىق كولىك وبەكتىلەرىن قوسپاعاندا، قالاارالىق، وبلىسىشىلىك اۆتوبۋس پەن شاعىن اۆتوبۋس تاسىمالدارىنىڭ جۇمىسىنا تىيىم سالىندى. قۇجاتتىڭ تولىق ماتىنىمەن مىنا سىلتەمە ارقىلى تانىسۋعا بولادى.
اۆتور: ەربول جانات
