د د ۇ ءتورت شتاممدى جۇقتىرۋ كورسەتكىشى جوعارى ەكەنىن ايتىپ، دابىل قاقتى

بۇل تۋرالى دۇنيەجۇزىلىك دەنساۋلىق ساقتاۋ ۇيىمى ءمالىم ەتتى، دەپ حابارلايدى قازاقپارات تاسس اگەنتتىگىنە سىلتەمە جاساپ.

د د ۇ- نىڭ اپتالىق ەپيدەميولوگيالىق بيۋللەتەنىندە جازىلعانداي، «الاڭداۋشىلىق تۋدىراتىن نۇسقالار» ساناتىنا جاتقىزىلعان ءتورت شتاممدى («الفا»، «بەتا»، «گامما» جانە «دەلتا») جۇقتىرۋ كورسەتكىشى جوعارى.

«دەلتا نۇسقاسى سوڭعى ەكى ايدا د د ۇ- نىڭ بارلىق التى ايماعىنداعى كەم دەگەندە 111 ەلدە تابىلدى، ول وسى ۋاقىتقا دەيىن انىقتالعان الاڭداۋشىلىق تۋدىرعان باسقا نۇسقالارعا قاراعاندا جۇقپالىلىعى جوعارى. بۇل اتالعان شتاممنىڭ الداعى ايلاردا الەمدە «باستى» نۇسقاعا اينالۋى مۇمكىن ەكەنىە بىلدىرەدى، - دەلىنگەن ۇيىمنىڭ ەپيدەميولوگيالىق بيۋللەتەنىندە. ءبىر اپتا بۇرىن 6-شىلدەدەگى جاعداي بويىنشا دەلتا شتاممى 104 مەملەكەت پەن اۋماققا تارالعان ەدى. ال ودان ءبىر اپتا بۇرىن تارالعان ەلدەر مەن اۋماقتار سانى 96 بولاتىن. د د ۇ ەپيدەميولوگيالىق بيۋللەتەندە 196 ەل مەن اۋماقتا كوروناۆيرۋس شتامدارىنىڭ تارالۋى تۋرالى مالىمەتتەردى جاريالادى. اتالعان مالىمەتتەردەن «دەلتا» پلانەتانىڭ كوپ بولىگىندە تارالعانى بەلگىلى بولدى.

اتاپ ايتقاندا، ءۇندىستاننان باسقا، رەسەيدە، ۇلى بريتانيادا، گەرمانيادا، گرەكيادا، يسپانيادا، تۇركيادا، فرانسيادا، يندونەزيادا، تايلاندتا، جاپونيادا، يزرايلدە، برازيليادا، ا ق ش-تا جانە وڭتۇستىك افريكادا انىقتالدى. سونداي-اق، ونىڭ قىتايدا دا بولۋى تۋرالى اقپارات بار، الايدا ەپيدەميولوگيالىق بيۋللەتەنگە سايكەس، بۇل اقپاراتتى «د د س ۇ رەسمي ەمەس كوزدەردەن العان جانە ءارى قاراي تالداناتىن بولادى».

سونىمەن قاتار، ۇيىمدا قازىرگى ۋاقىتتا يسلانديادا، ەگيپەتتە، چەرنوگوريادا، كۋبادا، سونداي- اق باسقا دا مەملەكەتتەر مەن اۋماقتاردا دەلتا نۇسقاسىنىڭ بار ەكەنى تۋرالى مالىمەتتەر جوق. ولاردىڭ جالپى سانى - 85.

اۆتور: اياۋلىم التىنبەك

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى