ەكولوگيا ءمينيسترى ەلدەگى سۋ تاپشىلىعى ماسەلەسى تۋرالى ايتتى
«بيىل سۋ تاپشىلىعى ماسەلەسى قيىن جاعدايدى كورسەتتى. باستىسى قانشاما قيىنشىلىقتارعا قاراماستان ۆەگەتاتسيا كەزەڭىندەگى جاعداي تۇراقتى. دەگەنمەن سۋ ماسەلەسى قاشاندا ءبىزدىڭ باستى نازاردا»، - دەدى م. مىرزاعاليەۆ.
ايتا كەتسەك، بۇگىن ەكولوگيا ءمينيسترى ۇ ە ۇ وكىلدەرى جانە ەكو-بەلسەندىلەرمەن بىرگە ەلىمىزدەگى سۋ شارۋاشىلىعى سالاسىنا قاتىستى ماسەلەلەرگە ارنالعان ونلاين كەزدەسۋ وتكىزدى.
الدىمەن م. مىرزاعاليەۆ ەگىن ماۋسىمىندا وتاندىق فەرمەرلەردى سۋمەن قامتۋ ماسەلەسىنىڭ قالاي شەشىلىپ جاتقانى تۋرالى ايتىپ بەردى.
«فەرمەرلەردى سۋمەن قامتاماسىز ەتۋ ماقساتىندا ءبىز كەلەسى جۇمىستاردى جۇرگىزەمىز. بىرىنشىدەن، كورشى ەلدەرمەن قارىم-قاتىناس. سىرداريا وزەنى بويىنشا ءبىز قىرعىز ەلىمەن قوسىمشا سۋ اعىزۋ تۋرالى كەلىسىمگە كەلدىك. ۆەگەتاتسيا شىڭىندا (ماۋسىم-تامىز) توقتوعۇل سۋ قويماسىنان قوسىمشا 330 ميلليون تەكشە مەتر سۋ قورى بولادى. ءدال وسىنداي سۋ كولەمىن وزبەكستان اۋماعى ارقىلى وتكىزۋ تۋرالى دا ۋاعدالاستىققا قول جەتكىزىلدى. سونداي-اق، تاجىك جانە وزبەك تاراپتارىمەن بىرلەسىپ، بيىل 16- ماۋسىمدا «باحري توچيك» سۋ قويماسىنىڭ جۇمىس رەجيمىن كەلىسۋ بويىنشا ماۋسىم-تامىز كەزەڭىنە ارنالعان جۇمىس كەڭەسىنىڭ حاتتاماسىنا قول قويىلدى»، - دەيدى ول.
ودان بولەك، مينيستر ەلىمىزدە قانشا سۋ قورى بارىن جەتكىزدى.
