تالىپتەردەن قاشقان ءبىر توپ اۋعانستاندىق تاجىكستان شەكاراسىنان ءوتىپ كەتتى

بۇل تۋرالى قازاقپارات تاجىكستاننىڭ حوۆار اقپارات اگەنتتىگىنە سىلتەمە جاساپ حابارلايدى.

تاجىكستان رەسپۋبليكاسى شەكاراشىلارى ىزگىلىك پەن تاتۋ كورشىلىك پرينتسيپتەرىن باسشىلىققا الا وتىرىپ، اۋعان بوسقىندارىنا/تاجىكستان رەسپۋبليكاسىنىڭ اۋماعىنا وتۋىنە رۇقسات بەردى. قازىرگى كەزدە بوسقىندار ت ر مۋرگاب اۋدانىنداعى كيزيل- رابوت اۋىلدىق دجامواتىنىڭ اندەمين جانە چەشتەبا ۋچاسكەلەرى اۋماعىنا ورنالاستىرىلدى. بوسقىندار وزدەرىمەن بىرگە مالىن (1000 باس قوي- ەشكى، 300 قوداس، 3 تۇيە جانە 30 -جىلقى) ايداپ اكەلگەن.

«اتالعان شەكارا ۋچاسكەلەرىندەگى جاعداي تاجىكستان رەسپۋبليكاسى شەكاراشىلارىنىڭ باقىلاۋىندا»، - دەلىنگەن تاجىكستان رەسپۋبليكاسى م ۇ ق ك شەكارا قىزمەتىنىڭ باسپا ءسوز ورتالىعى تاراتقان مالىمدەمەدە.

ەسكە سالساق، اۋعانستانداعى جاعداي كۇردەلەنىپ اۋعانستاننىڭ قارۋلى اسكەريلەرى وزبەكستان مەن تاجىكستان اۋماعىنا ءوتىپ كەتكەن ەدى. «تاليبان» قوزعالىسى اۋعانستانداعى كوپتەگەن جەرلەردى باسىپ الدى. سونداي- اق، تاجىكستان اۋعانستانمەن شەكارانى نىعايتۋ ءۇشىن 20 مىڭ ساربازدى اسكەرگە شاقىرماق.

اۆتور: زارينا تۋعانبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى