قورعاۋشى: ەكس- ءمينيستر ءبىرتانوۆتىڭ سانيتارلىق اۆياتسيانى قولدانۋى ءماجبۇرلى تۇردە بولعان

سارسەنبىدە ءبىرتانوۆتىڭ قورعاۋشىسى نۇرلان بەيسەكەيەۆ وسى جاعداي بويىنشا جاۋاپ بەردى. ونىڭ ايتۋىنشا، ەكس مينيستر 2020 -جىلدىڭ 12-13 -ماۋسىمىندا جۇمىس ساپارىمەن جامبىل وبلىسىندا بولعان. ادۆوكات اۋرۋ جۇقتىرۋ قاۋپى جوعارى بولعاندىقتان، ءبىرتانوۆ نۇر- سۇلتانعا ۇكىمەت مۇشەلەرىمەن بىرگە ءبىر ۇشاقپەن قايتا الماعانىن جەتكىزدى.

«سوندىقتان ونى ساناۆياتسيا كولىگىمەن جەتكىزۋ ەلدە قالىپتاسقان توتەنشە جاعداي كەزىندەگى ءماجبۇرلى شارا بولدى»، - دەدى بەيسەكەيەۆ.

كەيىن ءبىرتانوۆتان ەكىجاقتى پنيەۆمونيا تۇرىندەگى اۋرۋدىڭ اسقىنۋى انىقتالدى. ناۋقاستىڭ جاعدايى ناشارلاۋىنا بايلانىستى ەلورداداعى ۇلتتىق كارديوورتالىققا جەتكىزىلدى. ول 2020 -جىلدىڭ 23 -ماۋسىمىنا دەيىن وسى مەكەمەدە ەم قابىلدادى.

ەلجان ءبىرتانوۆ، ق ر د س م ەكس- ءمينيسترى:

- تەك مەنىڭ جاعدايىمدا عانا ەمەس، باسقا جاعدايلاردا دا سانيتارلىق وكىلدەر ايماقتارعا ۇشتى، ۇشاقتار ۇشپاعان سوڭ شەشىم قابىلداۋ كەرەك بولدى. ءدارى- دارمەكتەردى، رەاكتيۆتەردى تاسىمالدادى، ۋحاننان كەلگەن ستۋدەنتتەردى دە ەلگە قايتاردى عوي. مۇنىڭ ءبارى جوعارى باسشىلىقپەن كەلىسىلدى، مەنىڭ جاعدايىم بويىنشا دا كەلىسىم بولعان. مەن پرەمەر- مينيسترگە حابارلادىم، سودان كەيىن عانا وسىنداي تاسىمالداۋدى ۇيىمداستىرۋدى ءوتىندىم.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى