وزبەكستاندا قۇربان ايتتى وتباسىندا عانا اتاپ ءوتۋ تۋرالى قاۋلى شىقتى

ءتيىستى قاۋلىعا كەشە رەسپۋبليكا باسشىسى قول قويدى، دەپ حابارلايدى قازاقپارات ءتىلشىسى.

«قاراقالپاقستان رەسپۋبليكاسى مينيسترلەر كەڭەسى، وبلىس جانە تاشكەنت قالاسىنىڭ حوكيمياتتارى وزبەكستان رەسپۋبليكاسى مينيسترلەر كابينەتى جانىنداعى ءدىن ىستەرى جونىندەگى كوميتەت، ماحاللي جانە وتباسىن قولداۋ مينيسترلىگىمەن بىرلەسىپ، سونداي- اق قوعامدىق ۇيىمدارعا قۇربان ايتتى ءبىزدىڭ حالقىمىزدىڭ ۇلتتىق جانە ءدىني داستۇرلەرىنە سايكەس جانە كارانتين تالاپتارىن ساقتاي وتىرىپ، وتباسىلارىمەن وتكىزۋ باسىمدىقتارى تۋرالى تۇسىندىرمە جۇمىسىن جۇرگىزسىن»، - دەلىنگەن قاۋلىدا.

سونداي- اق، قاۋلىدا دەمالىس كۇندەرىن 17 -شىلدە، سەنبىدەن 21 -شىلدە - سارسەنبىگە جانە 24 -شىلدە، سەنبىدەن 22 -شىلدە - بەيسەنبىگە اۋىستىرۋ قاراستىرىلعان. وسىلايشا، وزبەكستاندىقتار قۇربان ايتتا قاتارىنان ءۇش كۇن، ياعني 20-22 -شىلدە كۇندەرى دەمالادى.

ەسكە سالا كەتسەك، وزبەكستاندا ەپيدەميولوگيالىق جاعدايدىڭ ۋشىعۋى سالدارىنان 28 - ماۋسىمنان باستاپ كارانتين شارالارى كۇشەيتىلگەن. كوروناۆيرۋسقا شالدىققاندار سانىنىڭ كۇرت وسۋىنە بايلانىستى ەل استاناسى مەن ايماقتاردا قوسىمشا كوۆيد- ورتالىقتار اشىلۋدا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى