اتىراۋدا جىلقى ءمۇسىنىن سىندىرعان ازامات قاماۋعا الىندى

وبلىستىق پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، كەشكى ساعات 19:50 شاماسىندا 43 جاستاعى ازامات ماس كۇيدە جىلقى ءمۇسىنىن قۇلاتقان.

«پوليتسيا قىزمەتكەرلەرى ساتبايەۆ كوشەسىندەگى جىلقى ءمۇسىنىن سىندىرعان ورال قالاسىنىڭ تۇرعىنىن ۇستادى. مەديتسينالىق ساراپتامانىڭ قورىتىندىسىنا سايكەس، ونىڭ ورتا دارەجەدەگى ماس كۇيدە ەكەنى انىقتالدى. اتالعان ازاماتقا قاتىستى ق ر اكىمشىلىك قۇقىقبۇزۋشىلىق تۋرالى كودەكسىنىڭ 434-بابىنىڭ 1-بولىمىمەن (ۇساق بۇزاقىلىق)، 440-بابىنىڭ 3-بولىمىمەن (الكوگولدىك ىشىمدىكتەردى ىشۋ نەمەسە قوعامدىق ورىندارعا ماساڭ كۇيدە كەلۋ، وسى باپتىڭ ءبىرىنشى جانە ەكىنشى بولىكتەرىندە كوزدەلگەن، اكىمشىلىك جازا قولدانىلعاننان كەيىن ءبىر جىل ىشىندە قايتالاپ جاساعان ارەكەتتەر) اكىمشىلىك حاتتامالار تولتىرىلدى»، - دەپ حابارلادى دەپارتامەنتتىڭ باسپا ءسوز قىزمەتى.

سوت شەشىمىمەن 43 جاستاعى ازامات 5 تاۋلىككە اكىمشىلىك قاماۋعا الىندى.

اۆتور: بەك مۇستافا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى