بانكنوتتار قانداي جاعدايدا قولدانىستان الىنادى؟

بۇل تۋرالى بانكتىڭ قولما-قول اقشا اينالىسى دەپارتامەنتىنىڭ باسشىسى دينارا داۋتوۆا ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، ۇلتتىق بانككە تۇرعىندار حابارلاسىپ جاتىر. ولار دۇكەندەر 1000 تەڭگەنى قابىلداماي جاتقانىن ايتقان.

«بۇل كۋپيۋرالاردىڭ زاڭدى تولەم قۇرالى بولىپ تابىلاتىنىن ەستەرىڭىزگە سالا كەتكىم كەلەدى. ولاردى باسقا دا ەستەلىك بانكنوتتار سەكىلدى بانك وپەراتسيالارى مەن اۋدارىمدار كەزىندە جانە تولەمنىڭ كەز كەلگەن ءتۇرى بويىنشا قابىلداۋعا مىندەتتى. مۇنداي بانكنوتتاردى قابىلداۋدان باس تارتقان جاعدايدا اكىمشىلىك قۇقىق بۇزۋشىلىق تۋرالى كودەكستىڭ 206-بابىنا سايكەس اكىمشىلىك جاۋاپكەرشىلىك قاراستىرىلعان»، - دەدى دينارا داۋتوۆا.

سونىمەن قاتار، ول مۇنداي اقشانى قابىلداماعان جاعدايدا نە ىستەۋ كەرەك ەكەنىن ءتۇسىندىردى.

«ەگەر سىزدەن بۇل بانكنوتتاردى قابىلداماسا، ۇلتتىق بانكتىڭ اۋماقتىق فيليالىنا ءوتىنىش ءبىلدىرۋىڭىز قاجەت. بانكنوتتى قابىلداۋدان باس تارتۋ فاكتىسىن بەينەجازباعا ءتۇسىرۋدى نەمەسە جازباشا نەگىزدەمە تالاپ ەتۋدى ۇسىنامىز»، - دەدى ۇلتتىق بانك وكىلى.

دينارا داۋتوۆا اينالىمدا «كۇلتەگىن» بانكنوتىنان باسقا اتاۋلى كۇندەر مەن وقيعالارعا ارنالعان ەستەلىك بانكنوتتار بارىن اتاپ ءوتتى. ولار دا زاڭدى تولەم قۇرالى.

«ولاردى ەكىنشى دەڭگەيلى بانكتار مەن «قازپوشتا» ا ق- تىڭ بارلىق بولىمشەسىندە، ۇلتتىق بانكتىڭ فيليالدارىندا اۋىستىرۋعا جانە ايىرباستاۋعا بولادى. اتالعان بانكنوتتار توزعان كەزدە اينالىمنان الىنادى»، - دەدى دينارا داۋتوۆا.

ەستەلىك بانكنوتتاردىڭ تولىق ءتىزىمى، سونداي-اق ۇلتتىق بانك فيليالدارىنىڭ مەكەنجايى مەن بايلانىس دەرەكتەرى تۋرالى اقپارات قۇب سايتىندا ورنالاسقان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى