قازاقستاندا ەت ەكسپورتىنا تىيىم سالىنۋى كەرەك پە - مينيستر جاۋابى

«2020 -جىلى ءىرى قارا مال ەتى 9 ميلليون دوللارعا ەكسپورتتالدى، جالپى كولەمى - 2,7 مىڭ توننا. جىل باسىنان بەرگى 4-ايدا ەكسپورت كولەمى 9,4 ميلليون دوللارعا 2,6 مىڭ توننا ەتتى قۇرادى. يمپورت كولەمى بىلتىر 4-ايدا 35 ميلليون دوللار بولسا، بيىل 21 ميلليون دوللاردى قۇراعان، ياعني % 41 تومەندەدى. بۇل كورسەتكىشتەر ەكسپورت كولەمى ارتىپ، يمپورت كولەمى ازايىپ جاتقانىن كورسەتەدى»، - دەدى ساۋدا ءمينيسترى ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

سونىمەن بىرگە، مينيستر «قۋاڭشىلىقتان كەيىن كۇزدە ەت تاپشىلىعى بولماۋى ءۇشىن مينيسترلىك نە ىستەپ جاتىر؟» دەگەن سۇراققا جاۋاپ بەردى.

«ارينە، ەت بولسىن، باسقا ءونىم بولسىن، ءوندىرۋ كولەمى ەڭ ءبىرىنشى ءوز حالقىمىزدى قامتاماسىز ەتۋى كەرەك. ءارى قاراي ەكسپورتقا مۇمكىندىك بولسا، ونى دا قولداۋىمىز كەرەك. ويتكەنى، بۇل ۆاليۋتالىق كىرىس بولادى، شارۋالارعا، فەرمەرلەرگە جاقسى تابىس الىپ كەلەدى. ءوز ەلىمىزدە ەت كولەمى نەمەسە باسقا دا تاۋار تاپشىلىعى بولسا، ەكسپورتتى شەكتەيتىن ارنايى ينسترۋمەنت قاراستىرىلعان. ول ءۇشىن ۆەدومستۆوارالىق كوميسسيا قۇرىلعان، ولار تاپشىلىق بايقالعان كەزدە ءتيىستى شەشىم قابىلدايتىن بولادى»، - دەپ ءتۇسىندىردى ب. سۇلتانوۆ.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى