ەرلان تۇرعىمبايەۆ جالعىزباستى انانى الداعان الاياقتى ۇستاۋ ءۇشىن پوليتسەيلەردى رەسەيگە جونەلتتى

ولارعا جالعىزباستى انانى الداعان كۇدىكتىنى ۇستاۋ تاپسىرىلدى، دەپ حابارلايدى قازاقپارات ءتىلشىسى.

مينيسترلىكتىڭ باسپا ءسوز قىزمەتىنىڭ وكىلى شۇعىلا تۇرلىبەكتىڭ ايتۋىنشا، ەرلان تۇرعىمبايەۆتىڭ قابىلداۋىنا جازىلعان ادامدار ءوز ساۋالدارى مەن وتىنىشتەرىن تىكەلەي ەفيردە بەينەبايلانىس ارقىلى مالىمدەپ، جاۋاپ العان.

«ساۋالدار نەگىزىنەن قىلمىستىق ىستەردى تەرگەۋدىڭ ساپاسى مەن مەرزىمدەرىن ساقتاۋعا، الاياقتىقتى اشۋعا كومەكتەسۋگە، كوشى- قون زاڭناماسى ماسەلەلەرىنە قاتىستى بولدى. سونىڭ اراسىندا نۇر- سۇلتان قالاسىنان جالعىزباستى انا حابارلاسىپ، قىزىنا ۇيالى تەلەفون الىپ بەرەمىن دەپ 400 مىڭ تەڭگەسىنەن ايىرىلعانىن ايتتى. ايەلدىڭ ايتۋىنشا، الەۋمەتتىك جەلىدەگى حابارلاماعا سەنىپ، الاياقتارعا 400 مىڭ تەڭگە اۋدارىپ جىبەرگەن. ءبىراق تەلەفون دا، اقشا دا قايتپاعان»، - دەيدى ى ءى م باسپا ءسوز قىزمەتىنىڭ وكىلى.

«ينتەرنەت- دۇكەن مەن ابونەنتتىك ءنومىر رەسەيدە تىركەلگەنى انىقتالدى. قىزمەتكەرلەردى رەسەيلىك ارىپتەستەرىمەن بىرگە سول جەردە تەرگەۋدى جالعاستىرۋ ءۇشىن ءىسساپارعا جىبەرۋدى تاپسىرامىن. ينتەرنەت- الاياقتاردىڭ تۇزاعىنا تۇسكەندەر كوپ بولۋى مۇمكىن. مەن بۇل ءىستى تولىعىمەن ءوز باقىلاۋىما الامىن»، - دەپ وتىر ەرلان تۇرعىمبايەۆ.

ۆەدومستۆو باسشىسى سوڭعى جىلى ينتەرنەت الاياقتىق سانى 2,5 ەسە ارتقانىن ايتىپ، ازاماتتاردى بەيتانىس ادامدارعا سەنبەۋگە، الاياقتاردىڭ ايلا- امالدارىنا تۇسپەۋگە شاقىردى.

اۆتور: ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى