ا ق ش سيريا-يراك شەكاراماڭىنداعى توپتارعا اۋەدەن سوققى بەردى
«امەريكا اسكەريلەرى سيرياداعى ەكى جانە يرانداعى بىرنەشە نىسانعا اۋەدەن سوققى بەرگەن. «وپەراتيۆتىك نىساندار مەن قارۋ- جاراق قويمالارىنا» اۋەدەن سالىنعان سوققى امەريكاندىق ۇشقىشسىز باسقارىلاتىن ۇشاقتارعا شابىلداۋعا بەرىلگەن جاۋاپ بولدى»، - دەپ مالىمدەدى جەكسەنبى كۇنى پەنتاگوننىڭ باسپا ءسوز حاتشىسى دجون كيربي.
«قۇراما شتاتتار ەسكالاتسيا قاۋپىن شەكتەۋگە باعىتتالعان قاجەتتى، ورىندى ءارى الدىن الا ويلاستىرىلعان ارەكەتتەر قابىلدادى»، - دەپ قوسىپ ءوتتى كيربي.
سونداي-اق پەنتاگون مالىمدەمەسىندە «پرەزيدەنت دجو بايدەننىڭ ا ق ش قىزمەتكەرلەرىن قورعاۋ ءۇشىن ارەكەت جاسايتىنى» اتاپ وتىلەدى.
«سيريانىڭ ادام قۇقىقتارى جونىندەگى وبسەرۆاتورياسى» ۇيىمىنىڭ مالىمەتىنشە، شابۋىل سالدارىنان بەس سودىر قازا تاۋىپ، تاعى بىرنەشەۋى جاراقات العان.
