جانىبەك ءالىمحان ۇلى بۇرىنعى الەم چەمپيونىنا قارسى كەزدەسۋدىڭ الدىندا كوروناۆيرۋسقا تەست تاپسىردى
بوكسشىنىڭ Instagram الەۋمەتتىك جەلىسىندەگى جازعان اقپاراتى بويىنشا، ءالىمحان ۇلى مەن جەكپە-جەك كەزىندە ونىڭ قاسىندا بولاتىن ادامداردىڭ ءبارى تەست تاپسىردى. سارسەنبى كۇنى قازاقستاندىق بوكسشى كومانداسىمەن بىرگە نيەۆادا شتاتىنا اتتانادى. ال بەيسەنبى كۇنى جەكپە-جەككە ارنالعان باسپا ءسوز جيىنى وتەدى.
«بۇگىن كوماندا كوۆيد-تەست تاپسىردى. قۇداي قالاسا سارسەنبى ۆەگاسقا اتتانامىز. بەيسەنبى لوماچەنكو مەن جانىبەكتىڭ قاتىسۋىمەن باسپا ءسوز ماسليحاتى وتەدى. جۇما سالماق ولشەيمىز. سەنبى كەشكە جەكپە-جەك، بۇيىرتسا! حابار ارناسى 27 نە ياعني جەكسەنبى تاڭەرتەڭ تىكەلەي ەفيردە كورسەتەدى»، - دەپ جازدى بوكسشى الەۋمەتتىك پاراقشاسىندا.
جانىبەك كەلەسى ايقاسىن 26-ماۋسىم لاس-ۆەگاستا وتكىزەدى. ونىڭ قارسىلاسى WBA تۇجىرىمى بويىنشا الەمنىڭ بۇرىنعى چەمپيونى امەريكالىق روب برانت (26-2، 18 ك و) بولادى. جەكپە-جەكتى قازاقستاندا تىكەلەي كورسەتەدى.
