قازاقستاندا قانشا جەڭىل كولىك تىركەلگەن – ستاتيستيكا

ق ر ستراتەگيالىق جوسپارلاۋ جانە رەفورمالار اگەنتتىگىنىڭ اقپاراتىنا سايكەس، 2021 -جىلعى 1 - مامىرداعى جاعداي بويىنشا، ەلىمىزدە تىركەلگەن جەڭىل اۆتوموبيلدەردىڭ جالپى سانى 3828,5 مىڭدى قۇرايدى. سونداي- اق ۆەدومستۆودان ءمالىم ەتكەندەي، جىلدىڭ العاشقى ءتورت ايىندا ەل وڭىرلەرىندە 3677 جول- كولىك وقيعاسى بولىپ، 5431 ادام زارداپ شەككەن. وتكەن جىلعى وسىنداي كەزەڭمەن سالىستىرعاندا اپاتتىلىق %10,3 ازايدى.

«2021 -جىلعى 1-مامىرداعى جاعداي بويىنشا، كولىك قۇرالدارى يەلەرىنىڭ ازاماتتىق- قۇقىقتىق جاۋاپكەرشىلىگىن مىندەتتى ساقتاندىرۋ بويىنشا ساقتاندىرۋ ۇيىمدارى 12,2 ميلليارد تەڭگە سوماسىندا 27788 ساقتاندىرۋ تولەمىن جۇزەگە اسىردى»، - دەلىنگەن ۇلتتىق ستاتيستيكا بيۋروسىنىڭ اقپاراتىندا.

ايتا كەتەيىك، 15-ماۋسىم كۇنى وتكەن ۇكىمەت وتىرىسىندا ق ر ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ قازاقستاندا بۇگىنگى كۇنى 3,9 ميلليون كولىك تىركەلگەنىن جانە ولاردىڭ 64 پايىزىنىڭ پايدالانۋ مەرزىمى 10 جىلدان اسقانىن ءمالىم ەتكەن بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى